Μυλωνάς

Προβολή Τραγουδιού

Καλλιτέχνες: Παναγιώτης Ασλανίδης, Χαράλαμπος Τσαντεκίδης

Χαμαιλέτε μ’, χαμαιλέτε μ’,
μέραν-νύχταν μη δουλεύ’ς
Εροθύμεσα τ’ αρνόπο μ’
έναν ξάι πα μη αλέ͜εις

Μυλωνά, το κεμεντζ̌όπο μ’
τραγωδείς και μουρδουλίζ’
Αηδονόπον έν’ ση γούλα σ’,
έναν - έναν όλτς κλαινί͜εις

Με τ’ αρνί μ’ σον αϊ-Λίαν
έταξα εγώ κερίν
Χαμαιλέτε μ’, στά ολίγον
αναμέν’ με το γιαβρί μ’

Μυλωνά, το κεμεντζ̌όπο μ’
τραγωδείς και μουρδουλίζ’
Αηδονόπον έν’ ση γούλα σ’,
έναν - έναν όλτς κλαινί͜εις

Χαμαιλέτε μ’, σο αυλάκι σ’
θα τσουρώνω το νερόν
Γιαν-γιανά με το πουλόπο μ’
θα χορεύω ους να μερών’

Μυλωνά, το κεμεντζ̌όπο μ’
τραγωδείς και μουρδουλίζ’
Αηδονόπον έν’ ση γούλα σ’,
έναν - έναν όλτς κλαινί͜εις

Θ’ ασπαλώ τη χαμαιλέτεν
και θα χάνω τ’ ανοιγάρ’
Η τρυγόνα μ’ έν’ τσ̌εχέλκον
κι εγώ νέικον παλληκάρ’

Μυλωνά, το κεμεντζ̌όπο μ’
τραγωδείς και μουρδουλίζ’
Αηδονόπον έν’ ση γούλα σ’,
έναν - έναν όλτς κλαινί͜εις

Γλωσσάρι

Κείμενο	Επεξήγηση	Ετυμ. Ρίζα
αϊ-Λίαν	άγιο Ηλία
αλέ͜εις	αλέθεις
αναμέν’	περιμένει
ανοιγάρ’	κλειδί
αρνόπο	αρνάκι, χαϊδευτική προσφώνηση γυναίκας
ασπαλώ	σφαλίζω κτ, κλείνω κτ εντελώς/πολύ καλά
γιαβρί	μωρό, μικρό, παιδί	yavru
γιαν-γιανά	πλάι-πλάι, ο ένας δίπλα στον άλλον	yan yana
γούλα	λαιμός	gula
δουλεύ’ς	δουλεύεις
έν’	είναι
έναν ξάι	λίγο, μια σταλιά
εροθύμεσα	νοστάλγησα
κεμεντζ̌όπο	(υποκορ.) λύρα	kemençe/kemānçe
κλαινί͜εις	κάνεις κάποιον να κλάψει, στενοχωρείς
μερών’	μερώνει, ξημερώνει
μουρδουλίζ’	γρυλλίζει υπόκωφα, παράγει υπόκωφο ήχο
νέικον	νέο, νεαρό
ξάι	καθόλου
ολίγον	λίγο
όλτς	όλους
ους	ως, μέχρι
πα	πάλι, επίσης, ακόμα
πουλόπο	πουλάκι
στά	(προστ.) στάσου
τραγωδείς	τραγουδάς
τρυγόνα	το πουλί τρυγόνι, χαϊδευτική προσφώνηση γυναίκας
τσ̌εχέλκον	άπειρο, ανώριμο, άβγαλτο	cehil/cehl
τσουρώνω	στερεύω, στραγγίζω	σειρώ=εκκενώνω, αδειάζω
χαμαιλέτε	νερόμυλος
χαμαιλέτεν	νερόμυλο