Αποτυλίεις τα τσαμόπα σ’

Προβολή Τραγουδιού

Αποτυλί͜εις τα τσαμόπα σ’
και ’κχ̌ύουνταν σ’ ωμία σ’
κι εγώ από μακρά τερώ,
ρίζα μ’, την εμορφία σ’

Θέλω, ψ̌η μ’, να σουμώνω σε
το καρδόπο μ’ να ανοίγω
κι εσέναν την πεντάμορφον
σα χ̌έρι͜α μ’ να τυλίγω

Ντο αγαπώ σε λέγω σε
και έμορφος πως είσαι
Ανοίγω τ’ εγκαλιόπο μου,
ρίζα μ’, απέσ’ να κείσαι

Την εμορφι͜άδα σ’ προσ̌κυνώ,
λύγουμαι όντες τερείς με
Θα δίγω σε το καρδόπο μ’,
ρίζα μ’, όντες φιλείς με

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αποτυλί͜εις	ξετυλίγεις
δίγω	δίνω
εγκαλιόπο	αγκαλίτσα
εμορφία	ομορφιά
εμορφι͜άδα	ομορφιά
έμορφος	όμορφος/η
καρδόπο	καρδούλα
κείσαι	κείτεσαι, ξαπλώνεις
’κχ̌ύουνταν	εκχύνονται, χύνονται, εκρέουν	εκχύνω<ἐγχέω< ἐν + χέω
λύγουμαι	λιώνω
μακρά	(επιρρ.) μακριά, (επιθ.) μακρινά, απομακρυσμένα
όντες	όταν
πεντάμορφον	πεντάμορφη/ο
σουμώνω	σιμώνω, πλησιάζω
τερείς	κοιτάς
τερώ	κοιτώ
τσαμόπα	πλεξουδίτσες
ψ̌η	ψυχή
ωμία	ώμοι