Προβολή Τραγουδιού

Εγώ προτού γεννίουμαι

Εγώ προτού γεννίουμαι,
προτού να έρ’ται η μέρα μ’,
τέσσερα μήνας εμπροστά,
έχασα τον πατέρα μ’

Κυρού εγάπην ’κ’ εγνώρτσα,
κυρού εγκάλιαν ’κ’ είδα
Από μικρόν εσάρεψεν
εμέν η καταιγίδα

Μάνα μ’, έπαρ’ το απόφασην,
η τύχη μ’ ζαρωτόν εν
Ους να τρανύνω θα λέγ’νε
«Αούτο ορφανόν έν’»

Γλωσσάρι

Κείμενο	Επεξήγηση	Ετυμ. Ρίζα
αούτο	αυτό/ή
εγκάλιαν	αγκαλιά (αιτ.)
εγνώρτσα	γνώρισα
εμπροστά	μπροστά, πρωτύτερα
έν’	είναι
έπαρ’	πάρε (προστ.)
έρ’ται	έρχεται
εσάρεψεν	τύλιξε, περικύκλωσε, άρεσε	sarmak
’κ’	δεν	ουκί<οὐχί
κυρού	πατέρα
λέγ’νε	λένε
ους	ως, μέχρι
τρανύνω	μεγαλώνω, αναθρέφω