Όταν είχα σε μετ’ εμέν

Προβολή Τραγουδιού

Όταν είχα σε μετ’ εμέν,
τα πόνια μ’ ελαρούσαν
Ατώρα ασ’ εχωρίγαμε,
απάν’ ι-μ’ όλια ερρούξαν

’Κι ξέρω, αρνί μ’, ντ’ εποίκες με
και για τ’ εσέν νουνίζω
Κρούγ’νε σο νου μ’ τα παλαιά,
καίγουμαι και βρουλίζω

Κάποτε εμείς εχ̌αίρουμες,
άμον δύο πουλόπα
Ατώρα όντες ελέπω σε,
δακρύζ’νε τ’ ομματόπα μ’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
ασ’	από
ατώρα	τώρα
βρουλίζω	αναδίδω φλόγα, φλέγομαι, καίγομαι	brûler
δακρύζ’νε	δακρύζουν
ελαρούσαν	γιατρεύονταν, θεραπεύονταν
ελέπω	βλέπω
εποίκες	έκανες, έφτιαξες	ποιέω-ῶ
ερρούξαν	έπεσαν
εχ̌αίρουμες	χαιρόμασταν
εχωρίγαμε	χωρίσαμε
καίγουμαι	καίομαι
’κι	δεν	οὐκί<οὐχί
κρούγ’νε	χτυπούνε	κρούω
μετ’	μαζί με (με αιτιατική), με (τρόπος)
νουνίζω	σκέφτομαι
όλια	όλα
ομματόπα	ματάκια
όντες	όταν
πόνια	(ονομ.) πόνοι, (αιτ.) πόνους
πουλόπα	πουλάκια