Προβολή Τραγουδιού

Ο φτωχόν και ο ζεγκίντς

Συνθέτες: Φάνης Κουρουκλίδης, Χρήστος Παπαδόπουλος

Καλλιτέχνες: Κώστας Σιώπης, Φάνης Κουρουκλίδης, Χρήστος Παπαδόπουλος

Πολλά που έχ̌’, πολλά νουνίζ’,
μη χάν’ α̤τα φογάται
Σ’κούτα και κείται σο κρεβάτ’,
μερών’ και ’κι κοιμάται

Καλά να είναι κι οι ζεγκίν’,
εμείς άλλο καλλίον
Σίτα̤ θα έρ’ται ο θάνατον
τότε μετρούν τον βίον

Ολίγα π’ έχ̌’ ντό να νουνίζ’;
άμον πουλίν κοιμάται
Τα πόρτας όλι͜α ανοιχτά,
τιδέν πα ’κι φογάται

Καλά να είναι κι οι ζεγκίν’,
εμείς άλλο καλλίον
Σίτα̤ θα έρ’ται ο θάνατον
τότε μετρούν τον βίον

Κι άλλο φτωχός έν’ ο ζεγκίντς
πολλά που αγαπά τα
Κι ο εφτωχόν κι άλλο ζεγκίντς
που παίρ’ και πάει γλεντά τα

Καλά να είναι κι οι ζεγκίν’,
εμείς άλλο καλλίον
Σίτα̤ θα έρ’ται ο θάνατον
τότε μετρούν τον βίον

Καλά να είναι κι οι ζεγκίν’,
εμείς άλλο καλλίον
Σίτα̤ θα έρ’ται ο θάνατον
τότε μετρούν τον βίον

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς
βίον	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
έν’	είναι
έρ’ται	έρχεται
έχ̌’	έχει
ζεγκίν’	πλούσιοι	zengin/sengīn
ζεγκίντς	πλούσιος	zengin/sengīn
θάνατον	θάνατος
καλλίον	καλύτερο (επίθ.), καλύτερα (επίρ.)
κείται	κείτεται, ξαπλώνει
’κι	δεν	ουκί<οὐχί
μερών’	μερώνει, ξημερώνει
νουνίζ’	σκέφτεται
πα	πάλι, επίσης
πολλά	πολλά (επίθ.), πολύ (επίρ.)
πόρτας	πόρτες (ονομ.πληθ.)
σίτα̤	καθώς, ενώ	σόταν<εις όταν
τιδέν	τίποτα
φογάται	φοβάται
χάν’	χάνει, παύει να έχει, διώχνει