Προβολή Τραγουδιού

Τη γαϊδιρί’

Καλλιτέχνες: Αντώνης Νικηφορίδης, Γιώργος Ορφανίδης

Εσύ ξαν λες τη γαϊδιρί’¹,
εγώ πα ήντι͜αν θέλω
Αυλάκ’ ’κι θα εβγάλομε,
μίαν άκ’σον ντό λέγω!

Δύο ξενικά άλογα
σ’ ένα αχ̌ερών’ ’κ’ ιεύ’νε
Αέτσ’ έν’, πουλί μ’, αέτσ’ έν’
τ’ έναν τ’ άλλο χατεύ’νε

Εύρανε έναν πέταλον,
αραεύ’νε άλλα τρία
Ατείν’ πα θέλ’νε τ’ άλογον
να ψαλαφούν, παιδία

’Καβάλκεψαν τον γάιδαρον,
το άλογον στοχ̌εύ’νε
Να βάλ’νε χ̌έρ’ σο μελοκούτ’
ατείν’ πα αραεύ’νε

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
άκ’σον	άκουσε (προστ.)
αραεύ’νε	ψάχνουν, αναζητούν, γυρεύουν	aramak
ατείν’	αυτοί
αχ̌ερών’	αχυρώνας
γαϊδιρί’	γαϊδουριού
έν’	είναι
ήντι͜αν	οτιδήποτε, ό,τι
θέλ’νε	θέλουν
ιεύ’νε	ταιριάζουν	uymak
’κ’	δεν	ουκί<οὐχί
’καβάλκεψαν	(εκαβάλκεψαν) καβάλησαν
’κι	δεν	ουκί<οὐχί
μελοκούτ’	βάζο/κουτί με μέλι
μίαν	μια φορά
ξαν	πάλι, ξανά
πα	πάλι, επίσης
παιδία	παιδιά
στοχ̌εύ’νε	παρατηρούν, προσέχουν, επισημαίνουν
χ̌έρ’	χέρι
χατεύ’νε	διώχνουν
ψαλαφούν	ζητούν, αιτούνται

Σημειώσεις

¹ Ξαν τη γαϊδιρί’, έκφραση για κάποιον που είναι επίμονος λέγοντας τα ίδια και τα ίδια