Για το χατίρι σ’

Προβολή Τραγουδιού

Καλλιτέχνες: Αντώνης Νικηφορίδης, Γιώργος Ορφανίδης

Έρθα αφκά σο παραθύρι σ’
και την κεμεντζ̌έ μ’ κρατώ
Για τ’ εσέν, για το χατίρι σ’,
εγώ απόψ’ θα τραγωδώ

Εδελι͜άγανε και τ’ άστρα
και κρατούνε με θυμόν
Π’ έντονε η νύχτα ημέραν
ας σην εγάπην τ’ εμόν

Θεέ μ’, ας ’φτάει με χάρ’ ο φέγγον
και οσήμερον μ’ εβγαίν’
Ψ̌η μ’, απέσ’ ας σην καρδία μ’
θα τραγωδώ για τ’ εσέν

Μετ’ εμέναν τραγωδέστεν
ούλ ας σην εγάπ’ καμέν’
Και έναν χορόν χορέψτεν
μετ’ εμέν οι πονεμέν’

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αφκά	κάτω
εβγαίν’	βγαίνει
εγάπ’	αγάπη
εδελι͜άγανε	περιπλέχθηκαν, μπερδεύτηκαν, σκόνταψαν	θηλιάζω<θῆλυς
εμόν	δικός/ή/ό μου	ἐμοῦ
έντονε	έγινε
έρθα	ήρθα
καμέν’	καμένοι
κεμεντζ̌έ	λύρα	kemençe/kemānçe
μετ’	μαζί με (με αιτιατική), με (τρόπος)
οσήμερον	σήμερα
πονεμέν’	πονεμένοι, βασανισμένοι
τραγωδέστεν	(προστ.) τραγουδήστε
τραγωδώ	τραγουδάω
φέγγον	φεγγάρι
’φτάει	(ευτάει) κάνει, φτιάχνει	εὐθειάζω
χάρ’	(προστ.) χαίρε, να χαρείς
χατίρι	χάρη, σεβασμός, υπόληψη	hatır/ḫāṭir
χορέψτεν	(προστ.) χορέψτε
ψ̌η	ψυχή