Προβολή Τραγουδιού

Αλάρωτος σεβταλής

Όρκον εδέκα σον Θεόν
άλλο να μη τερώ σε
Τον όρκον μ’ ξαν επάτεσα,
κι άλλο πολλά αγαπώ σε

Σον ουρανόν ψηλά πετώ
και σ’ άστρα τριγυλίζω
Τον ήλιον αγκαλι͜άσκουμαι
κι ας ξέρω θα βρουλίζω

Γλυκύς ο πόνον κι η χαρά,
ας ση σεβντάς μουράτι͜α
Λαμπρά̤ζω και φωτολογώ
σ’ εγάπ’ς τα μασλαχάτι͜α

Γλυκύν εγάπη σ’ κι ας σο μέλ’
π’ ευτάν’ τα μελεσσίδι͜α
Το σ̌κέντρεμα σ’ κι άλλο βαθύν
δι͜αβαίν’ και τα σ̌κερπίδι͜α

Πουλόπο μ’, εροθύμεσα
τ’ ατσ̌αΐπκα τα κάλλι͜α σ’
Μίαν κι άλλο ας καίγουμαι
σ’ έμορφον την εγκάλι͜α σ’

Θεέ μ’, εσύ π’ εδέκες με
το σεβταλίν καρδόπο μ’
Ατώρα δος υπομονήν
να ταγιανίζ’ το ψ̌όπο μ’

Γλωσσάρι

Κείμενο	Επεξήγηση	Ετυμ. Ρίζα
αγκαλι͜άσκουμαι	αγκαλιάζω, εναγκαλίζομαι
ατσ̌αΐπκα	περίεργα, εκκεντρικά, προκλητικά	acayip/ʿacāʾib
ατώρα	τώρα
βρουλίζω	φλέγομαι, καίγομαι	brûler
γλυκύν	γλυκιά/ό
δι͜αβαίν’	(για τόπο) περνάει/ώ, διασχίζει/ω, (για χρόνο) περνάει/ώ	διαβαίνω
δος	δώσε
εγάπ’ς	αγάπης
εγκάλι͜α	αγκαλιά
εδέκα	έδωσα
εδέκες	έδωσες
έμορφον	όμορφο
επάτεσα	πάτησα
εροθύμεσα	νοστάλγησα
ευτάν’	κάνουν, φτιάχνουν	εὐθειάζω
καίγουμαι	καίομαι
κάλλι͜α	κάλλη
καρδόπο	καρδούλα
κι άλλο πολλά	περισσότερο, παραπάνω
λαμπρά̤ζω	κάνω Λαμπρή, μτφ. χαίρομαι, ευχαριστιέμαι
μασλαχάτι͜α	υποθέσεις, ζητήματα, δουλειές	maslahat/maṣlaḥat
μέλ’	μέλι
μελεσσίδι͜α	μέλισσες
μίαν	μια φορά
μίαν κι άλλο	άλλη μια φορά
μουράτι͜α	επιθυμίες, πόθοι	murat/murād
ξαν	πάλι, ξανά
πολλά	πολλά (επίθ.), πολύ (επίρ.)
πουλόπο	πουλάκι
σεβντάς	αγάπης, έρωτα	sevda/sevdā
σεβταλίν	ερωτευμένο, ερωτοχτυπημένο	sevdalı
σ̌κέντρεμα	κέντρισμα, τσίμπημα με κεντρί
σ̌κερπίδι͜α	σφήκες
ταγιανίζ’	αντέχω/ει	dayanmak
τερώ	κοιτώ
τριγυλίζω	τριγυρίζω, περιτριγυρίζω
φωτολογώ	πλημμυρίζω από φως
ψ̌όπο	ψυχούλα