Προβολή Τραγουδιού
Ο πατέρας |
Δύο λαλίαςΣτιχουργοί: Πόλυς Παυλίδης
Συνθέτες: Πόλυς Παυλίδης
Καλλιτέχνες: Θόδωρος Παυλίδης, Πόλυς Παυλίδης
Ο πατέρας έν’, παιδία, τη ’σπιτί’ μουν το στουλάρ’ Κανείς ’κ’ επορεί να στέκ’ ση πατέρα το ποδάρ’ Το πρωί - πρωί θα σ’κούται ση δουλείαν για να πάει Νίφκεται και την ευχ̌ην ατ’ έμπρα̤ σο καντήλ’ ευτάει Τον Θεόν παρακαλεί δύναμην να δί’ ατον και υγεία σα παιδία τ’, ση γαρήν ατ’ και σ’ ατόν Ο πατέρας έν’, παιδία, τη ’σπιτί’ μουν το στουλάρ’ Κανείς ’κ’ επορεί να στέκ’ ση πατέρα το ποδάρ’ Πίκρας, βάσανα φορτούται και τη ζωής το γομάρ’ και σα δύσκολα τα ώρας πρέπ’ να εβγαίν’ παλληκάρ’ Ους το βράδον πολεμά παράδες να γαζανεύ’ κι όντες ’κι κανείντανε τη νύχταν πα πάει δουλεύ’ Ο πατέρας έν’, παιδία, τη ’σπιτί’ μουν το στουλάρ’ Κανείς ’κ’ επορεί να στέκ’ ση πατέρα το ποδάρ’ Αέτσ’ δα̤βαίν’νε τα χρόνι͜α ας ση ζήσην ’κ’ εγροικά Τη παιδί’ η ευτυχία, τη πατέρα η χαρά Κι όντες έρ’τανε τα χ̌ι͜όνι͜α και γεράματα μερών’ν Ντ’ αναμέν’ ας σα παιδία τ’ έν’ έναν χουλιάρ’ νερόν Ο πατέρας έν’, παιδία, τη ’σπιτί’ μουν το στουλάρ’ Κανείς ’κ’ επορεί να στέκ’ ση πατέρα το ποδάρ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αέτσ’ | έτσι | ||
| αναμέν’ | περιμένει | ||
| βράδον | βράδυ | ||
| γαζανεύ’ | κερδίζω/ει, αποκτώ/άει (κέρδος) | kazanmak | |
| γαρήν | (αιτ.) γυναίκα | karı | |
| γομάρ’ | φορτίο (από ξύλο ή χόρτα) που το έφεραν στην πλάτη ή στην ράχη ζώου | ||
| δα̤βαίν’νε | (για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν | διαβαίνω | |
| δί’ | δίνει | ||
| δουλείαν | δουλειά | ||
| δουλεύ’ | δουλεύει | ||
| εβγαίν’ | βγαίνει | ||
| εγροικά | καταλαβαίνει | ||
| έμπρα̤ | μπροστά | ||
| έν’ | είναι | ||
| επορεί | μπορεί | ||
| έρ’τανε | έρχονται | ||
| ευτάει | κάνει, φτιάχνει | εὐθειάζω | |
| ’κ’ | δεν | οὐκί<οὐχί | |
| κανείντανε | φτάνουν, είναι αρκετά | ||
| ’κι | δεν | οὐκί<οὐχί | |
| μερών’ν | ξημερώνουν | ||
| μουν | μας | ||
| νίφκεται | πλένεται | ||
| όντες | όταν | ||
| ους | ως, μέχρι | ||
| πα | πάλι, επίσης, ακόμα | ||
| παιδί’ | παιδιού | ||
| παιδία | παιδιά | ||
| παράδες | λεφτά, χρήματα | para/pāre | |
| πίκρας | πίκρες | ||
| ποδάρ’ | πόδι | ||
| σ’κούται | σηκώνεται | ||
| ’σπιτί’ | σπιτιού | ||
| στουλάρ’ | στύλος που βαστάζει την στέγη οικίας, μτφ. στήριγμα | ||
| φορτούται | φορτώνεται | ||
| χουλιάρ’ | κουτάλι | κοχλιάριον | |
| ώρας | ώρες |
