Προβολή Τραγουδιού
Η μάνα έν’ Θεός
Δύο λαλίαςΣτιχουργοί: Πόλυς Παυλίδης
Συνθέτες: Πόλυς Παυλίδης
Καλλιτέχνες: Θόδωρος Παυλίδης, Πόλυς Παυλίδης
Λόγια ’κι θα ευρίγουνταν τη μάναν να υμνούνε Όσοι είν’ μανάδες μαναχόν τη μάναν εγροικούνε Η μάνα έν’ Θεός, η μάνα Παναΐα Άμον τη μάνας την εγάπ’ ’κ’ ευρίεται αλλομίαν Η μάνα προτού να γεννά πονεί για το παιδίν ατ’ς Και ους να φέρ’ α̤’ ση ζωήν πολεμά με την ψ̌ην ατ’ς Η μάνα έν’ Θεός, η μάνα Παναΐα Άμον τη μάνας την εγάπ’ ’κ’ ευρίεται αλλομίαν Τη παιδί’ το χαμόγελον έν’ η χαρά τη μάνας Ρούζ’ απέσ’ σον παράδεισον όντες γομούται απάν’ ατ’ς Η μάνα έν’ Θεός, η μάνα Παναΐα Άμον τη μάνας την εγάπ’ ’κ’ ευρίεται αλλομίαν Φαΐ σο νουν ατ’ς ξάι ’κι κρούει νέ διψά, νέ νυστάζει Αν το παιδίν ατ’ς κάτ’ παθάν’ το αίμαν ατ’ς λειφτάζει Η μάνα έν’ Θεός, η μάνα Παναΐα Άμον τη μάνας την εγάπ’ ’κ’ ευρίεται αλλομίαν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α̤’ | (α̤τό) αυτό, το | ||
| αλλομίαν | άλλη μια φορά | ||
| άμον | σαν, όπως, καθώς | ||
| απάν’ | πάνω | ||
| απέσ’ | μέσα | ||
| γομούται | γεμίζει, βουρκώνει, κομπιάζει | ||
| εγάπ’ | αγάπη | ||
| εγροικούνε | καταλαβαίνουν | ||
| είν’ | είναι (για πληθ.) | ||
| έν’ | είναι | ||
| ευρίεται | βρίσκεται | ||
| ’κ’ | δεν | ουκί<οὐχί | |
| ’κι | δεν | ουκί<οὐχί | |
| κρούει | χτυπάει | ||
| λειφτάζει | ελλείπει, λιγοστεύει, ελαττώνεται | ||
| μαναχόν | μοναχός (έναρθρο), μοναχό, μόνο/μοναχά (επίρρ) | ||
| νέ | ούτε | ne | |
| ξάι | καθόλου | ||
| όντες | όταν | ||
| ους | ως, μέχρι | ||
| παθάν’ | παθαίνει | ||
| παιδί’ | παιδιού | ||
| ρούζ’ | πέφτει, ρίχνει | ||
| φέρ’ | φέρνω/ει | ||
| ψ̌ην | ψυχή |