Δύο - δύο τα μαχ̌αίρι͜α

Απέσ’ σην καρδία μ’ είχα
έναν εγάπ’ τρανόν
’Παρακάλ’να σην εγκάλια σ’
να παίρ’ με ο Θεόν

Δύο - δύο τα μαχ̌αίρι͜α,
απέσ’ σην ψ̌η μ’ εκάρφωνες
Και ’κ’ ενούνιζες, πουλόπο μ’,
την καρδι͜ά μ’ ντ’ εμάτωνες

Τη χαράν ντο είχα απέσ’ ι-μ’
εποίκες γεράν
Τα οράματα ντο είχα
εγένταν χαράμ’

Δύο - δύο τα μαχ̌αίρι͜α,
απέσ’ σην ψ̌η μ’ εκάρφωνες
Και ’κ’ ενούνιζες, πουλόπο μ’,
την καρδι͜ά μ’ ντ’ εμάτωνες

Ποία ομμάτι͜α απέσ’ σ’ ομμάτι͜α
να τερούνε σε;
Ποία χ̌είλια απέσ’ σο στόμαν
να φιλούνε σε;

Δύο - δύο τα μαχ̌αίρι͜α,
απέσ’ σην ψ̌η μ’ εκάρφωνες
Και ’κ’ ενούνιζες, πουλόπο μ’,
την καρδι͜ά μ’ ντ’ εμάτωνες