Προβολή Τραγουδιού

Δύο λαλίας

Καλλιτέχνες: Θόδωρος Παυλίδης, Πόλυς Παυλίδης

Πόλυ, παίξον την κεμεντζ̌έν
ας λέγω τραγωδίαν
Το κορτσόπον ντ’ εγάπανα
έκαψεν την καρδία μ’

Άκ’σον κι εσύ τον πόνο μου,
η καρδι͜ά μ’ ’τογραεύτεν
Το κορτσόπον ντ’ εγάπανα
αλλού εσουμαδεύτεν

Δύο λαλίας τραγωδούν,
δύο ψ̌όπα πονούνε
Δύο φίλ’ ενταμώθανε
και πίν’νε και μεθούνε

Δύο χρόνι͜α εγάπανα
κι όλα χαράμ’ επήγαν
Τη ψ̌ης ι-μ’ τα οράματα
σ’ έναν ώρα εβζήγαν

Σα ξένα χ̌έρι͜α ευρίεται
και τ’ εμόν το κορτσόπον
Ελέπ’ ατο και καίγουμαι
και λύεται το ψ̌όπο μ’

Δύο λαλίας τραγωδούν,
δύο ψ̌όπα πονούνε
Δύο φίλ’ ενταμώθανε
και πίν’νε και μεθούνε

Θόδωρε, να λελεύω σε
τραγώδ’ αρ’ έναν κι άλλο
Γόμωσον το ποτήρ’ ρακίν
τον πόνο μ’ ν’ ανασπάλω

Όσον ντο θέλτς θα τραγωδώ
κι ους το πρωίν θα πίνω
Λιθάρ’ θ’ ευτάγω την καρδι͜ά μ’
και δάκρυ͜α ’κι θα ’κχ̌ύνω

Δύο λαλίας τραγωδούν,
δύο ψ̌όπα πονούνε
Δύο φίλ’ ενταμώθανε
και πίν’νε και μεθούνε

Δύο λαλίας τραγωδούν,
δύο ψ̌όπα πονούνε
Δύο φίλ’ ενταμώθανε
και πίν’νε και μεθούνε

Γλωσσάρι

Κείμενο	Επεξήγηση	Ετυμ. Ρίζα
άκ’σον	άκουσε (προστ.)
ανασπάλω	ξεχάσω
γόμωσον	γέμισε (προστ.)
εγάπανα	αγαπούσα
ελέπ’	βλέπει/βλέπω
εμόν	δικός/ή/ό μου	ἐμοῦ
έναν κι άλλο	άλλο ένα, ένα ακόμη
εσουμαδεύτεν	αρραβωνιάστηκε
ευρίεται	βρίσκεται
ευτάγω	κάνω, φτιάχνω	εὐθειάζω
θέλτς	θέλεις
καίγουμαι	καίομαι
κεμεντζ̌έν	λύρα	kemençe/kemānçe
’κι	δεν	ουκί<οὐχί
κορτσόπον	κοριτσάκι
’κχ̌ύνω	χύνω, περιχύνω
λαλίας	λαλιές, φωνές, (γεν. ενικού) φωνής
λελεύω	χαίρομαι
λιθάρ’	λιθάρι, πέτρα
λύεται	λιώνει
ους	ως, μέχρι
παίξον	παίξε (προστ.)
πίν’νε	πίνουν
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
τραγώδ’	τραγούδησε (προστ.)
τραγωδίαν	τραγούδι
τραγωδούν	τραγουδάνε
τραγωδώ	τραγουδάω
φίλ’	φίλα (προστ. φιλώ), φίλοι (πληθ. φίλον)
χαράμ’	χαράμι, κάτι που δεν έχει τελικά όφελος ή αποτέλεσμα	haram/ḥarām
ψ̌ης	ψυχής
ψ̌όπα	ψυχούλες
ψ̌όπο	ψυχούλα