Όρκον

Προβολή Τραγουδιού

Τα δέντρα όλι͜α φύλλωσαν
και όλι͜α τσ̌ιτσ̌εκών’νε [γιαρ]
Κι έναν μήλον, κοντόμηλον
τα φίλα ’θε ερρούξαν [γιαρ]

Μήλον, γιατί μαραίνεσαι;
Γιατί ρούζ’νε τα φύλλα σ’; [γιαρ]
Τη ρίζα σ’ γιάμ’ ’κ’ επότ’σανε
κι απότιγον επέμ’νες; [γιαρ]

Κορτσόπον κι έναν παλληκάρ’
σην ρίζα μ’ εφιλέθαν [γιαρ]
κι όρκον εποίκαν κι όμνυσμαν
στεφάν’ χαράς να βάλλ’νε [γιαρ]

Και τον όρκον ενέσπαλαν
και κιτρινούν τα φύλλα μ’ [γιαρ]
Εγέντανε επίορκοι
ξεραίνομαι και σβήνω [γιαρ]

Γλωσσάρι

Κείμενο	Επεξήγηση	Ετυμ. Ρίζα
απότιγον	απότιστο
βάλλ’νε	βάζουν
γιάμ’	μήπως, ή μη	ya/yā + μη
γιαρ	αγαπητός/ή/ό, αγάπη	yâr
εγέντανε	έγιναν
ενέσπαλαν	ξέχασαν
επέμ’νες	απόμεινες
εποίκαν	έκαναν, έφτιαξαν	ποιέω-ῶ
επότ’σανε	πότισαν
ερρούξαν	έπεσαν
εφιλέθαν	φιλήθηκαν
’θε	του/της
’κ’	δεν	οὐκί<οὐχί
κορτσόπον	κοριτσάκι
όμνυσμαν	όρκος
ρούζ’νε	πέφτουν
τσ̌ιτσ̌εκών’νε	βγάζουν άνθη	çiçek