Τσ̌εχέλκον παλαλόν

Το μαξιλάρι μ’, γιαβρόπο μ’,
θέκω κι αποκουμπίζω
Κρούγ’νε σο νου μ’ τ’ ομματόπα σ’
και για τ’ εσέν νουνίζω

Αέτσ’ πως έν’, νε γιάβρι μ’,
τσ̌εχέλκον, παλαλόν
Έλα, έμπα σ’ εγκαλιόπο μου,
πλατύν άμον αλώνιν

Εμέν σιργούν εποίκανε
σ’ Ερζουρουμί τα χάνι͜α
Κοιμούμαι, ελέπω σ’ όνερο μ’
τουσέκια και γεργάνι͜α

Αέτσ’ πως έν’, νε γιάβρι μ’,
τσ̌εχέλκον, παλαλόν
Έλα, έμπα σ’ εγκαλιόπο μου,
Πλατύν άμον αλώνιν

Μαξιλαρόπο μ’ άκλερον,
τουσέκια μ’ απαρδάλι͜α
Σεπέπ’ ντ’ εέντον τ’ Ερζουρούμ’
κι εχάσα την εγκάλι͜α μ’

Αέτσ’ πως έν’, νε πουλί μ’,
τσ̌εχέλκον, παλαλόν
Έλα, έμπα σ’ εγκαλιόπο μου,
Πλατύν άμον αλώνιν