Του Σ̌ίτονος

Προβολή Τραγουδιού

Προσδιορισμός - Σα ιχνάρι͜α τ’ Ασ̌αλούμ’

Καλλιτέχνες: Γιώργος Σιαπανίδης, Μιχάλης Παρχαρίδης

Όντες τα κρινοδάχτυλα σ’
[αμάν, όι, αμάν]
αξ̌αεύ’νε τα κόρδας
Λύουν και καρδοκόφκουνταν
[αμάν, όι, αμάν]
τα κορτσόπα τη χώρας

Κεμεντζ̌ετζ̌ή ντ’ εποίκα σε
[αμάν, όι, αμάν]
και ταραχ̌ί͜εις το ψ̌όπο μ’;
Εμέτσες με και ’κ’ έπια
[αμάν, όι, αμάν]
ημ’σόν ποτήρ’ ρακόπον

Ση κεμεντζ̌ές ι-σ’ το κιφάλ’
[αμάν, όι, αμάν]
εκόνεψαν τα Μοίρας
Άμον εσέν ’κ’ ευρίεται
[αμάν, όι, αμάν]
απάν’ σον κόσμον είνας

Αρνί μ’, να έμ’νε κεμεντζ̌έν
[αμάν, όι, αμάν]
και ντο χ̌ελιδονίζει
Δάκρεν σην άκρα του ματί’ σ’
[αμάν, όι, αμάν]
και σκουλαρίκ’ σ’ ωτί σ’ -ι

Ποίσον με κεμεντζ̌έ Σ’, Θεέ μ’,
[αμάν, όι, αμάν]
να έχ̌’ καπάν λαλίαν
Να τραγωδούνε μετ’ εμέν
[αμάν, όι, αμάν]
οι φίλοι μ’ αλλομίαν

Γλωσσάρι

Κείμενο	Επεξήγηση	Ετυμ. Ρίζα
άκρα	άκρη
αλλομίαν	άλλη μια φορά
άμον	σαν, όπως, καθώς	ἅμα
αξ̌αεύ’νε	χαϊδεύουν	okşamak
απάν’	πάνω
δάκρεν	δάκρυ
είνας	ένας/μία
εκόνεψαν	εγκαταστάθηκαν, φώλιασαν, (επί πτηνών) προσγειώθηκαν	konmak
εμέτσες	μέθυσες
έμ’νε	ήμουν
έπια	ήπια
εποίκα	έκανα, έφτιαξα	ποιέω-ῶ
ευρίεται	βρίσκεται
έχ̌’	έχει
ημ’σόν	μισό/η
’κ’	δεν	οὐκί<οὐχί
καπάν	οι μπάσα κουρδισμένες χορδές της λύρας
καρδοκόφκουνταν	τρομάζουν, καταπτοούνται	καρδία+κόφτω
κεμεντζ̌έ	λύρα	kemençe/kemānçe
κεμεντζ̌έν	λύρα	kemençe/kemānçe
κεμεντζ̌ές	λύρας	kemençe/kemānçe
κεμεντζ̌ετζ̌ή	λυράρη	kemençeci
κιφάλ’	κεφάλι
κόρδας	χορδές
κορτσόπα	κοριτσάκια
λαλίαν	λαλιά, φωνή
λύουν	λιώνουν
ματί’	ματιού
μετ’	μαζί με (με αιτιατική), με (τρόπος)
όντες	όταν
ποίσον	(προστ.) κάνε, φτιάξε	ποιέω, ποιῶ
ρακόπον	(υποκορ.) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī + -όπον
ταραχ̌ί͜εις	ταράζεις, προκαλείς ταραχή
τραγωδούνε	τραγουδάνε
χ̌ελιδονίζει	κελαηδεί σαν χελιδόνι
χώρας	ξένος/η/ο/οι γενικά, οι/το/τα μη οικείο/α, ξενιτειάς
ψ̌όπο	ψυχούλα
ωτί	αυτί