Φραντάλα μ’

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Φραντάλα μ’, ντ’ έμορφον είσαι!
Για πέει με, τίνος είσαι;
Σίνος οσπίτ’ εμπαίντς κι εβγαίντς;
Σίνος εγκάλιαν κείσαι;

Φραντάλα μ’, ντ’ έμορφον είσαι!
Είδα σε κι εχπαράγα!
Σον ουρανόν επέταξα,
σα λίβι͜α εταράγα

Εσύ, κορτσόπον έμορφον,
γιατί ’κ’ ευτάς το ψ̌όπο μ’;
Στρώσον το κρεβατόπο σου,
ποίσον εμέναν τόπον

Γλωσσάρι

Κείμενο	Επεξήγηση	Ετυμ. Ρίζα
εβγαίντς	βγαίνεις
εγκάλιαν	(αιτ.) αγκαλιά
έμορφον	όμορφο
εμπαίντς	μπαίνεις
εταράγα	ταράχθηκα, ανακατεύθηκα, μπλέχθηκα	ταράσσω
ευτάς	κάνεις, φτιάχνεις	εὐθειάζω
εχπαράγα	(αμτβ) τρόμαξα, ξαφνιάστηκα
’κ’	δεν	οὐκί<οὐχί
κείσαι	κείτεσαι, ξαπλώνεις
κορτσόπον	κοριτσάκι
κρεβατόπο	κρεβατάκι
λίβι͜α	σύννεφα	λίβος<λείβω
οσπίτ’	σπίτι	hospitium<hospes
πέει	(προστ.) πες
ποίσον	(προστ.) κάνε, φτιάξε	ποιέω, ποιῶ
στρώσον	(προστ.) στρώσε
τίνος	ποιού;
φραντάλα	γυναίκα πρόσχαρη, πληθωρική γυναίκα
ψ̌όπο	ψυχούλα