Προβολή Τραγουδιού

Ανάθεμα την τύχη μου

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Επιδέβαμε τα ραχ̌ι͜ά,
τον Άε-Ζαχαρέαν
Αρνί μ’, για πατ’ το δι͜άβολον
και κλώστ’ σ’ εμέν μερέα

Τ’ εμά τα τέρτι͜α είν’ πολλά,
έναν παπόρ γομών’νε
Να ’κχ̌ύν’ ατα ση θάλασσαν,
την θάλασσαν θολών’νε

Ατό η σεβντά σ’, γιαβρόπο μ’,
εμέν θα παλαλώνει
Γιατρός ’κι θα ευρίεται
εμάς για να λαρώνει

Ανάθεμα την τύχη μου!
Ανάθεμα τ’ ιχπάρι μ’!
Αέτσ’ έτονε γραφικόν
να έρ’τον σο κιφάλι μ’

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
ατα	αυτά
γιαβρόπο	μωράκι, μικρούλι, παιδάκι	yavru + -όπον
γομών’νε	γεμίζουν, μτφ. κομπιάζουν
είν’	είναι (για πληθ.)
εμά	δικά μου
έρ’τον	ερχόταν
έτονε	ήταν
ευρίεται	βρίσκεται
θολών’νε	θολώνουν
ιχπάρι	τύχη	ikbal/iḳbāl με παραφθορά του λ σε ρ
’κι	δεν	ουκί<οὐχί
κιφάλι	κεφάλι
κλώστ’	γύρνα/γύρισε, επέστρεψε (προστ.)
’κχ̌ύν’	χύνει, περιχύνει
λαρώνει	γιατρεύει, θεραπεύει
μερέα	μεριά
παλαλώνει	τρελαίνει κπ
πολλά	πολλά (επίθ.), πολύ (επίρ.)
ραχ̌ι͜ά	ράχες, βουνά
σεβντά	αγάπη, έρωτας	sevda/sevdā
τέρτι͜α	καημοί, βάσανα, στενοχώριες	dert