Θεέ μ’, αούτος ο χορόν

Προβολή Τραγουδιού

Καλλιτέχνες: Χρήστος Ακριτίδης, Χρήστος Ασφαλτίδης

Θεέ μ’, αούτος ο χορόν
ας κρατεί ους να μερών’
να τραγωδώ και χορεύω
και τ’ οπίσ’ το μέρος παίρω

Κεμεντζ̌έ και το ταούλ’
επέραν τ’ εμόν τ’ αχούλ’
Η ζουρνά παίζ’, κωδωνίζ’
και η ψ̌η μ’ χαρχαταρίζ’

Παίζ’ η λύρα, το ταούλ’
σο χορόν εμπαίν’νε ούλ’
Το κλαρίνον κι η ζουρνά
τούλα, τούλα, τουλαλά

Κορτσόπα και παιδία
άμον τα κρύα νερά
Χορεύ’νε και γιαν-γιανά
για τ’ ατείντς έν’ η σεβντά

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αούτος	αυτός
ατείντς	αυτούς
αχούλ’	μυαλό	akıl/ʿaḳl
γιαν-γιανά	δίπλα-δίπλα, πλάι-πλάι	yan yana
εμόν	δικός/ή/ό μου	ἐμοῦ
εμπαίν’νε	μπαίνουν
έν’	είναι
επέραν	πήραν
κεμεντζ̌έ	λύρα	kemençe/kemānçe
κορτσόπα	κοριτσάκια
κρατεί	κρατάει, βαστάει, στέκει, αντέχει
κωδωνίζ’	κουδουνίζει
μερών’	μερώνει, ξημερώνει
οπίσ’	πίσω
ούλ’	όλοι
ους	ως, μέχρι
παιδία	παιδιά
παίρω	παίρνω
σεβντά	αγάπη, έρωτας	sevda/sevdā
ταούλ’	νταούλι	davul/ṭabl
τούλα	ήσυχα, φρόνιμα
τραγωδώ	τραγουδάω
χαρχαταρίζ’	(ηχομ. λέξη) θροΐζει
χορεύ’νε	χορεύουν
ψ̌η	ψυχή