Ταμσάρα

Προβολή Τραγουδιού

Καλλιτέχνες: Χρήστος Ακριτίδης, Χρήστος Ασφαλτίδης

Το τραγωδώ τον χορόν
χορεύ’νε σο Μεσόβουνον
Χορεύ’ν’ α’ πολλά έμορφα
ατό έν’ η Ταμσάρα

Τη Ταμσάρας παίζομε
κι όλ’ εμπαίν’νε σον χορόν
Κι όλ’ εμπαίν’νε σον χορόν
εγομώθεν το αλών’

Έμορφος χορός ατός,
έμορφος και γιοσμαλής
Ατόν εσύρ’νανε εμκέσ’
ο Κούκλης κι ο Γατραντζ̌ής

Εχόρευεν κι η Μαύρεσσα
εχόρευεν πολλά έμορφα
Χορεύ’ α̤’ κι ο Κυρίσ̌ι͜ας
πη λέει «γουρπάν’ σην θεία σ’»

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
α̤’	(α̤τό) αυτό, το
αλών’	αλώνι
ατός	αυτός
γιοσμαλής	κομψός, λεβέντικος	yosmalı
γουρπάν’	θυσία	kurban/ḳurbān
εγομώθεν	γέμισε
εμκέσ’	μπροστά πέρα
έμορφα	όμορφα
έμορφος	όμορφος/η
εμπαίν’νε	μπαίνουν
έν’	είναι
εχόρευεν	χόρευε
μαύρεσσα	μαύρη
όλ’	όλοι/α
πη	που
πολλά	(επίθ.) πολλά, (επίρρ.) πολύ
τραγωδώ	τραγουδάω
χορεύ’	χορεύω/ει
χορεύ’νε	χορεύουν