Απάν’ σα ξημερώματα

Προβολή Τραγουδιού

[Συνέχεια από το προηγούμενο]

Απόψ’ σο μέρωμαν απάν’
και σα πετεινολάλι͜α [γιαρ]
Είδα τ’ αρνόπο μ’, είδα ’το
εκείτον σην εγκάλι͜α μ’ [γιαρ]

Όλο τον κόσμον να γυρί͜εις
κι όλιον την οικουμένην [γιαρ]
Ατό τ’ αρνί’ μ’ το φίλεμαν
θαρρώ βάλλ’ κα’ το μέλιν [γιαρ]

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αρνί’	αρνιού
αρνόπο	αρνάκι, χαϊδευτική προσφώνηση γυναίκας
βάλλ’	βάζω/ει
γιαρ	αγαπητός/ή/ό, αγάπη	yâr
γυρί͜εις	γυρίζεις, γυρνάς
εγκάλι͜α	αγκαλιά
εκείτον	κείτονταν, ξάπλωνε
κα’	κάτω
μέρωμαν	ξημέρωμα
όλιον	όλο, ολόκληρο
πετεινολάλι͜α	χαράματα, η ώρα που λαλούν οι πετεινοί
’το	αυτό, το (προσωπική αντωνυμία)
φίλεμαν	φιλί