Τα ζάρια και τα τράπουλας

Προβολή Τραγουδιού

Καλλιτέχνες: Θεόδωρος Βεροιώτης, Κώστας Καραπαναγιωτίδης

Όλια τα χούγια μ’ έκοψα
πέλκι και συγχωράς με,
τα ζάρι͜α και τα τράπουλας
κι εσύ ξαν ’κι αγαπάς με

’Κι πίνω άλλο, ’κι μεθώ
πέλκι και γιανασ̌εύ’ς με
Κι όσον ντο έρχουμαι σουμά σ’
κι άλλο μακρά χατεύ’ς με

Όλια τα χούγια μ’ έκοψα
ρακόπα και γαρήδες
Κι εσύ, πουλόπο μ’, για τ’ εμέν
ξάι σο Θεόν κιάν’ ’κ’ είδες

Κάθεν καικά ερρούξες με
ντο είπες όλι͜α εποίκα
Με τ’ όλτς ερρούξα για τ’ εσέν
ας λέγω σε κι εγροίκα

Γλωσσάρι

Κείμενο	Επεξήγηση	Ετυμ. Ρίζα
γαρήδες	γυναίκες	karı
γιανασ̌εύ’ς	πλησιάζεις, πλευρίζεις	yanaşmak
εγροίκα	κατάλαβε
εποίκα	έκανα, έφτιαξα	ποιέω-ῶ
ερρούξα	έπεσα
ερρούξες	έπεσες
έρχουμαι	έρχομαι
’κ’	δεν	οὐκί<οὐχί
κάθεν	κάτω, κάθε
καικά	προς τα κάτω, εκεί ακριβώς, κοντά
’κι	δεν	οὐκί<οὐχί
κιάν’	και άνω, και εξής, και πέρα
μακρά	(επιρρ.) μακριά, (επιθ.) μακρινά, απομακρυσμένα
ξάι	καθόλου
ξαν	πάλι, ξανά
όλια	όλα
όλτς	όλους
πέλκι	ίσως να, πιθανόν να, μπας και (με την ελπίδα να συμβεί)	belki (αραβ. bel+ περσ. ki)
πουλόπο	πουλάκι
ρακόπα	(υποκορ./πληθ., τα) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī + -όπα
σουμά	κοντά
χατεύ’ς	διώχνεις	atmak

Προβολή Τραγουδιού

Τα ζάρι͜α και τα τράπουλας