Εχάραξεν η Χάλκοβα

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Εχάραξεν η Χάλκοβα¹,
μάνα μ’, ανατολή!
Οσήμερον πουθέν ’κ’ είδα
άι! το μικρόν τ’ αρνί μ’

Η θάλασσα επρασίνιζεν
και το παπόρ’ επέγ’νεν
Τ’ αρνόπο μ’ σην ανατολήν
εσ̌άσ̌εψεν κι επέμ’νεν

Θάλασσα, με τα κύματα σ’
τ’ αρνί μ’ φέρον λαλίαν
Πέ’ ατεν πως ερρώστεσα
ας σην αροθυμία μ’

Θαλάσσα, ’κι φογούμαι σε,
βαθέα θα ταλεύω
Με τα μαύρα τα κύματα σ’,
θάλασσα, θα παλεύω

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
αροθυμία	νοσταλγία
ατεν	αυτήν
βαθέα	βαθιά
επέγ’νεν	πήγαινε, προχωρούσε, έφευγε
επέμ’νεν	απόμεινε
ερρώστεσα	αρρώστησα
εσ̌άσ̌εψεν	σάστισε, τα έχασε	şaşmak
’κ’	δεν	οὐκί<οὐχί
’κι	δεν	οὐκί<οὐχί
λαλίαν	λαλιά, φωνή
οσήμερον	σήμερα
παπόρ’	βαπόρι, καράβι	vapore
πέ’	(προστ.) πες
πουθέν	πουθενά
ταλεύω	ορμώ, χιμώ, βυθίζομαι	dalmak
φέρον	(προστ.) φέρε
φογούμαι	φοβάμαι

Σημειώσεις

¹ Τοπωνύμιο κορυφής ανάμεσα στον Διπόταμο και Κεχρόκαμπο Καβάλας