Έπαρ’ αρνόπο μ’ το μαχαίρ’

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Τα δάχτυλα σ’ ’κι αροθυμώ,
το δαχτυλίδι σ’ έχω [γιαρ, γιαρ]
Αρνί μ’, σην πόδαν ντο πατείς
δάκρυ͜α ’κχ̌ύνω και βρέχω [γιαρ, γιαρ]

Έπαρ’, αρνόπο μ’, το μαχ̌αίρ’,
έλα, σ̌κίσον και τέρεν [γιαρ, γιαρ]
Τη καρδίας ι-μ’ το μισόν
φωτίαν πώς επέρεν [γιαρ, γιαρ]

Αν θέλετεν ας τραγωδώ,
αν θέλετεν ας κλαίγω [γιαρ, γιαρ]
Αν θέλετεν παράπονα
ας κάθουμαι και λέγω [γιαρ, γιαρ]

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
αροθυμώ	νοσταλγώ
γιαρ	αγαπητός/ή/ό, αγάπη	yâr
έπαρ’	(προστ.) πάρε
επέρεν	πήρε
καρδίας	(τη, γεν.) καρδιάς, (τα, ονομ. πληθ.) καρδιές
’κι	δεν	οὐκί<οὐχί
’κχ̌ύνω	εκχύνω, χύνω, εκβάλλω	εκχύνω<ἐγχέω< ἐν + χέω
μαχ̌αίρ’	μαχαίρι
πόδαν	ίχνος, πατημασιά, βήμα
σ̌κίσον	σκίσε (προστ.)
τέρεν	(προστ.) κοίταξε
τραγωδώ	τραγουδάω

Προβολή Τραγουδιού

Έπαρ’ αρνόπο μ’ το μαχ̌αίρ’