Λελεύω σε, λελεύω σε

Προβολή Τραγουδιού

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης

[Εχ!] Λελεύω σε, λελεύω σε
μίαν και αλλομίαν
Εφίλεσα σε δεύτερον
φίλ’ με κι εσύ πα μίαν

[Εχ!] Λελεύω σε, λελεύω σε
ντό πολλά αγαπώ σε -ν-
Ο πρόσωπος ι-σ’ παρλαεύ’
’κ’ επορώ να τερώ σε -ν-

[Εχ!] Λελεύω τα στομόχ̌ειλα σ’
όνταν χαμογελούνε
Να έρχουμαι φιλώ -γ- ατα
ας σον Θεόν φοούμαι -ν-

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
ατα	αυτά
επορώ	μπορώ
έρχουμαι	έρχομαι
εφίλεσα	φίλησα
’κ’	δεν	οὐκί<οὐχί
λελεύω	χαίρομαι
μίαν	μια φορά
όνταν	όταν
πα	πάλι, επίσης, ακόμα
παρλαεύ’	λάμπει, λαμποκοπά	parlamak
πολλά	(επίθ.) πολλά, (επίρρ.) πολύ
πρόσωπος	πρόσωπο
στομόχ̌ειλα	τα χείλια του στόματος
τερώ	κοιτώ
φίλ’	(προστ. φιλώ) φίλα, (πληθ. φίλον) φίλοι
φοούμαι	φοβάμαι