Προβολή Τραγουδιού

Πολλά μουράτι͜α απλέρωτα

Καλλιτέχνες: Άγγελος Βασιλειάδης, Γιώτης Γαβριηλίδης

Μοιρολογώ όθεν πατώ
σ’ ιχνάρι͜α ντο αφήνεις
Γομών’ ατα με δακρόπα
να κλίσ̌κεσαι και πίνεις

Σον τόπον ντ’ εχωρίγαμε
κάθαν ημέραν κλαίω
Αμύριχτα τσ̌ιτσ̌εκόπα
σ’ ατά τον πόνο μ’ λέω

Τα πουλία ’κι κελαηδούν
μετ’ εμέναν πονούνε
’Λωλώθανε τα άχαρα
’ς σα τέρτι͜α μ’ εγροικούνε

Η εγκάλι͜α μ’ έν’ εύκαιρον,
η ψ̌η μ’ και η καρδία μ’
Ση ζήση μ’ όλια νεφιλιάν
’χάθεν η συντροφία μ’

Εκάτσα απάν’ σ’ έναν λιθάρ’
και σπίγγω την καρδία μ’
Πολλά μουράτι͜α απλέρωτα
’πέμ’νεν αροθυμία μ’

Γλωσσάρι

Κείμενο	Επεξήγηση	Ετυμ. Ρίζα
αμύριχτα	που δεν έχουν μυρωδιά/ευωδία
απάν’	πάνω
απλέρωτα	ανεκπλήρωτα
αροθυμία	νοσταλγία
ατά	αυτά
ατα	αυτά
γομών’	γεμίζω/ει
δακρόπα	δάκρυα
εγκάλι͜α	αγκαλιά
εγροικούνε	καταλαβαίνουν
εκάτσα	κάθισα
έν’	είναι
εύκαιρον	(ουδ.) άδειο, αδειανό, (αρσ.) ανόητο, κουφιοκέφαλο
εχωρίγαμε	χωρίσαμε
ιχνάρι͜α	χνάρια, ίχνη
κάθαν	κάθε
’κι	δεν	ουκί<οὐχί
κλίσ̌κεσαι	σκύβεις, κλίνεις
λιθάρ’	λιθάρι, πέτρα
’λωλώθανε	(ελωλώθανε) βουβάθηκαν, μουγγάθηκαν, σάστισαν, θόλωσε το μυαλό τους
μετ’	μαζί με (με αιτιατική), με (τρόπος)
μουράτι͜α	επιθυμίες, πόθοι	murat/murād
νεφιλιάν	μάταιο/α, ανώφελο/α	nafile/nāfile
όθεν	όπου, οπουδήποτε, σε όποιον
όλια	όλα
’πέμ’νεν	(επέμ’νεν) απόμεινε
πολλά	πολλά (επίθ.), πολύ (επίρ.)
’ς	(ας) από
σπίγγω	σφίγγω
τέρτι͜α	καημοί, βάσανα, στενοχώριες	dert
τσ̌ιτσ̌εκόπα	λουλουδάκια	çiçek
’χάθεν	(εχάθεν) χάθηκε
ψ̌η	ψυχή