Τη ζήση μ’, ψη μ’, ετέλεσες

Προβολή Τραγουδιού

Καλλιτέχνες: Ανέστης Αθανασιάδης, Γιώτης Γαβριηλίδης

Σην καρδι͜ά μ’ ’ντώκες το μαχ̌αίρ’
και τσιμπονίζ’ το γαίμα μ’
Έλα, τέρεν πώς ’κχ̌ύεται,
πουλόπο μ’, ας ση φλέβα μ’

Ποίσον την βούραν μαστραπάν
και πία ας σο γαίμα μ’
Πουλί μ’, να ινανεύ’ς ατο,
μ’ εθαρρείς λέγω ψέμαν

Φουρκίουμαι σα γαίματα
άμον ποτάμ’ ντο τρέχ’νε
Τ’ ολόερα μ’ εγόμωσαν,
τελεμονήν πα ’κ’ έχ’νε

Γιαβρί μ’, τέρεν ντ’ εποίκες με
με το τρανόν τ’ ινιάτι σ’
Την ζήση μ’, ψ̌η μ’, ετέλεσες
αρ’ με το ταπιάτι σ’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
βούραν	χούφτα	vola=η παλάμη του χεριού ή το πέλμα του ποδιού
γαίμα	αίμα
γαίματα	αίματα
γιαβρί	μωρό, μικρό, παιδί	yavru
εγόμωσαν	γέμισαν
εθαρρείς	θαρρείς, νομίζεις, υποθέτεις
εποίκες	έκανες, έφτιαξες	ποιέω-ῶ
ετέλεσες	τελείωσες κτ
έχ’νε	έχουνε
ζήση	η ζωή, ο τρόπος ζωής, ο βίος του ανθρώπου
ινανεύ’ς	πιστεύεις, εμπιστεύεσαι	inanmak
ινιάτι	γινάτι, πείσμα	inat/ʿinād
’κ’	δεν	οὐκί<οὐχί
’κχ̌ύεται	εκχύνεται, χύνεται, εκρέει	εκχύνω<ἐγχέω< ἐν + χέω
μαστραπάν	μικρή μεταλλική, πήλινη ή και γυάλινη κανάτα	maşrapa/maşraba
μαχ̌αίρ’	μαχαίρι
’ντώκες	(εντώκες) χτύπησες, έκανες να
ολόερα	ολόγυρα
πα	πάλι, επίσης, ακόμα
πία	(προστ.) πιες
ποίσον	(προστ.) κάνε, φτιάξε	ποιέω, ποιῶ
ποτάμ’	ποτάμι
πουλόπο	πουλάκι
ταπιάτι	συνήθεια, χαρακτηριστικό, ο χαρακτήρας ενός ανθρώπου	tabiat/ṭabīʿat
τελεμονήν	τελειωμό
τέρεν	(προστ.) κοίταξε
τρέχ’νε	τρέχουν
τσιμπονίζ’	αναβλύζει με ορμή
φουρκίουμαι	πνίγομαι
ψ̌η	ψυχή

Προβολή Τραγουδιού

Τη ζήση μ’, ψ̌η μ’, ετέλεσες