Άκ’σον την τραγωδία μου

Προβολή Τραγουδιού

Καλλιτέχνες: Ανδρέας Κουγιουμτζίδης, Γιώτης Γαβριηλίδης

Εγώ -ν- εσέν εγάπεσα,
εγώ -ν- εσέν θα παίρω
Η σεβντά σ’ έν’ τρανόν, πουλί μ’,
γερὰ σην ψ̌η μ’ θα φέρω

Η καρδία μ’ και το ψ̌όπο μ’,
πουλόπο μ’, ματωμένα
Απέσ’ ι-μ’ στάζ’νε άμον χολήν
και φαρμακών’νε εμέναν

Άλλο την ψ̌η μ’ μη φαρμακώντς,
μη ματώντς το καρδόπο μ’
Πόσο κι άλλον, ψ̌η μ’, θα βαστώ;
λύεται το κορμόπο μ’

Άκ’σον την τραγωδία μου
ντ’ έσυρα για τ’ εσένα
Εμέν θα τρώει με το χώμαν,
το κρίμαν έν’ σ’ εσένα

Γλωσσάρι

Κείμενο	Επεξήγηση	Ετυμ. Ρίζα
άκ’σον	(προστ.) άκουσε
άμον	σαν, όπως, καθώς	ἅμα
απέσ’	μέσα
γερὰ	πληγή, τραύμα	yara
εγάπεσα	αγάπησα
έν’	είναι
έσυρα	έσυρα, τράβηξα, έριξα
καρδόπο	καρδούλα
κορμόπο	κορμάκι
λύεται	λιώνει
ματώντς	ματώνεις
παίρω	παίρνω
πουλόπο	πουλάκι
σεβντά	αγάπη, έρωτας	sevda/sevdā
στάζ’νε	στάζουνε
τραγωδία	τραγούδι
φαρμακών’νε	φαρμακώνουν
φαρμακώντς	φαρμακώνεις
χολήν	θυμό
ψ̌η	ψυχή
ψ̌όπο	ψυχούλα