Προβολή Τραγουδιού
Αρ’ έλα μετ’ εμένα |
Παραδοσιακό αντάμωμα με τον Γιώργο ΑμαραντίδηΣτιχουργοί: Γιώργος Αμαραντίδης
Συνθέτες: Γιώργος Αμαραντίδης, Παραδοσιακό
Καλλιτέχνες: Γιώργος Αμαραντίδης
Έλα, πουλόπο μ’, μετ’ εμέν σα ψηλά τα ραχ̌ία, σα μανουσοτσ̌ιτσ̌έκοπα και σα νερά τα κρύα Αρ’ έλα μετ’ εμένα! Κανείται ντ’ ενεμένα! Εσέναν ενεμένα! Αρ’ έλα μετ’ εμένα! Έλα σα κρύα τα νερά, πουλί μ’, τα παγωμένα Με τα δύο τα χ̌ερόπα σ’ κλίστ’ κα’ πότ’σον κι εμένα Αρ’ έλα μετ’ εμένα! Κανείται ντ’ ενεμένα! Εσέναν ενεμένα! Αρ’ έλα μετ’ εμένα! Έλα τ’ εμόν σ̌ορσ̌όταινα, τ’ εμόν ζωγραφισμέντσα! Κερβάνα έμπρου σο κοπάδ’ τ’ εμόν μελιτωμέντσα Αρ’ έλα μετ’ εμένα! Κανείται ντ’ ενεμένα! Εσέναν ενεμένα! Αρ’ έλα μετ’ εμένα! Τ’ άστρα κι ο φέγγον έλαμψαν, έλα -ν- ας ανταμούμες Έλα, πουλί μ’, ας χ̌αίρουμες, εγκάλι͜α να κοιμούμες Αρ’ έλα μετ’ εμένα! Κανείται ντ’ ενεμένα! Εσέναν ενεμένα! Αρ’ έλα μετ’ εμένα! Έλα -ν- ας ανταμώνομε σα πυκνά τα ελάτι͜α Κρυφά ας σον κύρ’ κι ας ση μάνα σ’ κι ας ση κοσμί’ τ’ ομμάτι͜α Αρ’ έλα μετ’ εμένα! Κανείται ντ’ ενεμένα! Εσέναν ενεμένα! Αρ’ έλα μετ’ εμένα!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανταμούμες | ανταμώνουμε | ||
| ανταμώνομε | ανταμώνουμε | ||
| εγκάλι͜α | αγκαλιά | ||
| ελάτι͜α | έλατα | ||
| εμόν | δικός/ή/ό μου | ἐμοῦ | |
| έμπρου | εμπρός, μπροστά | ||
| ενεμένα | περίμενα, ανέμενα | ||
| ζωγραφισμέντσα | ζωγραφισμένη, ζωγραφιστή | ||
| κα’ | κάτω | ||
| κανείται | φτάνει, είναι αρκετό | ||
| κερβάνα | η αγελάδα που προπορεύεται της αγέλης | kervan/kārbān=καραβάνι | |
| κλίστ’ | σκύψε, κλίνε | ||
| κοιμούμες | κοιμόμαστε | ||
| κοσμί’ | κόσμου | ||
| κύρ’ | πατέρα | ||
| μανουσοτσ̌ιτσ̌έκοπα | μενεξεδολούλουδα | ||
| μελιτωμέντσα | αυτή που είναι από μέλι, μελένια | ||
| μετ’ | μαζί με (με αιτιατική), με (τρόπος) | ||
| ομμάτι͜α | μάτια | ||
| πότ’σον | (προστ.) πότισε | ||
| πουλόπο | πουλάκι | ||
| πυκνά | πυκνά, συχνά | ||
| ραχ̌ία | ράχες, βουνά | ||
| σ̌ορσ̌όταινα | μυθικό πουλί | ||
| φέγγον | φεγγάρι | ||
| χ̌αίρουμες | χαιρόμαστε | ||
| χ̌ερόπα | χεράκια |
