Προβολή Τραγουδιού
Έπαρ’ το μαχ̌αίρ’ σα χ̌έρι͜α σ’ |
ΎψωμανΣτιχουργοί: Μάκης Πετρίδης
Συνθέτες: Μάκης Πετρίδης
Καλλιτέχνες: Αλέξανδρος Παρχαρίδης, Γιάννης Σανίδης
Έπαρ’ το μαχ̌αίρ’ σα χ̌έρι͜α σ’ σ̌κίσον την καρδι͜ά μ’ Τέρεν, τ’ όνεμα σ’ γραμμένον με το αίμα μ’ έν’ Έλα, έλα το πουλόπο μ’, άλλο ’κ’ επορώ! Και το άγωμα σ’ ’κι σύρω, καίουμαι, πονώ Απέσ’ σ’ άκλερα τα χ̌έρι͜α μ’ να έρχ̌εσαι κονεύ’ς κι απ’ ατουπέσ’ αλλομίαν, πουλί μ’, να μη φεύ’ς Έλα, έλα το πουλόπο μ’, άλλο ’κ’ επορώ! Και το άγωμα σ’ ’κι σύρω, καίουμαι, πονώ Κάθουμαι σα μεσοστράτι͜α κι αναμένω σε Βάι! Εδείσωσαν τ’ ομμάτι͜α μ’ και ’κι φαίνεσαι Έλα, έλα το πουλόπο μ’, άλλο ’κ’ επορώ! Και το άγωμα σ’ ’κι σύρω, καίουμαι, πονώ
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άγωμα | αναχώρηση, φευγιό, πορεία | ||
| άκλερα | άκληρα, φτωχά, δυστυχή, ταλαίπωρα | ||
| αλλομίαν | άλλη μια φορά | ||
| απέσ’ | μέσα | ||
| ατουπέσ’ | εκεί μέσα | ατού+απέσ' | |
| εδείσωσαν | σκεπάστηκαν από ομίχλη | ||
| έν’ | είναι | ||
| έπαρ’ | πάρε (προστ.) | ||
| επορώ | μπορώ | ||
| ’κ’ | δεν | ουκί<οὐχί | |
| καίουμαι | καίγομαι | ||
| ’κι | δεν | ουκί<οὐχί | |
| κονεύ’ς | εγκαθίστασαι, φωλιάζεις, προσγειώνεσαι | konmak | |
| μαχ̌αίρ’ | μαχαίρι | ||
| ομμάτι͜α | μάτια | ||
| όνεμα | όνομα | ||
| πουλόπο | πουλάκι | ||
| σ̌κίσον | σκίσε (προστ.) | ||
| σύρω | σέρνω, τραβώ, ρίχνω | ||
| τέρεν | κοίταξε (προστ.) | ||
| φεύ’ς | φεύγεις |
