Ξεριζωμένοι Πόντιοι

Προβολή Τραγουδιού

Παραδοσιακό αντάμωμα με τον Γιώργο Αμαραντίδη

expand_content

Ματσούκα μ’, Σάντα μ’, Κρώμ’ και Καρς,
τ’ άλλα τα μέρι͜α όλια
Τα τραγωδίας για τ’ εσάς
εένταν μοιρολόγια

Ξεριζωμέν’ οι Πόντιοι
και σα καρδίας πόνια
Σα στράτας σουρουνεύκουνταν
ατείν’ ατόσα χρόνια

Έχασεν η μάνα το παιδίν
και το παιδίν τη μάναν
Άλλ’ έφυγαν ση Ρουσίαν,
άλλ’ έρθαν σην Ελλάδα

Άλλ’ επέμ’ναν σα μέρι͜α τουν
κι ενέσπαλαν την γλώσσα
Απόκρυφα χριστιανοί
και φανερά -ν- εκλώσταν

Ας σον πάππον σον ανεψιόν
κι από στόμαν σο στόμαν
Κρατούν τα τέρτι͜α τα παλιά
’κ’ ενέσπαλαν ακόμαν

Γλωσσάρι

Κείμενο	Επεξήγηση	Ετυμ. Ρίζα
ατείν’	αυτοί
εένταν	έγιναν
εκλώσταν	γύρισαν, επέστρεψαν
ενέσπαλαν	ξέχασαν
επέμ’ναν	απόμειναν
έρθαν	ήρθαν
έχασεν	έχασε, έδιωξε, πέταξε κτ
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
μέρι͜α	μέρη
ξεριζωμέν’	ξεριζωμένοι
όλια	όλα
πάππον	παππούς
πόνια	(ονομ.) πόνοι, (αιτ.) πόνους
Ρουσίαν	Ρωσία
σουρουνεύκουνταν	σέρνονται κατά γης, μτφ. υποφέρουν, τυραννιούνται	sürünmek
στράτας	(ονομ.) δρόμοι, (αιτ.) δρόμους
τέρτι͜α	καημοί, βάσανα, στενοχώριες	dert
τουν	τους
τραγωδίας	τραγούδια