Προβολή Τραγουδιού
Δείξον με το δεξάμενον
Εγώ είμαι ας σον ΠόντονΣτιχουργοί: Γιώργος Αμαραντίδης
Συνθέτες: Γιώργος Αμαραντίδης
Καλλιτέχνες: Γιώργος Αμαραντίδης
Δείξον με το δεξάμενον, πουλί μ’, εσέν π’ εφώτ’σεν Εποίκε σε παντέμορφον, τ’ εμόν τ’ οσπίτ’ εκόλλτσεν Μίαν κάπως να σ̌ασ̌ιρεύ’ς και γελαστά τερείς με Τα καλοσύνιας τη κοσμί’ τοπλαεύ’ς και χαρίεις με Σαράντα διαρμενεύ’νε με κι εξήντα καντουρεύ’νε Άμον ντ’ ελέπω τ’ ομμάτι͜α σ’, όλια ας σο νου μ’ εβγαίν’νε Σο παραθύρ’ εκρέμασες, πουλί μ’, το λετσ̌εκόπο σ’ Τη φως να μ’ εβγάλτς οξωκά και παραδίεις τ’ εσ̌όπο σ’ Σον πρόσωπο σ’ όντες τερώ τ’ ομμάτι͜α μ’ χαντυλλιάουν Αχπάσκουμαι σην απαντή σ’, τα ποδάρι͜α μ’ δελιάουν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ||
| απαντή | συνάντηση, αντάμωση | ||
| αχπάσκουμαι | φεύγω, αναχωρώ, κινώ για | ||
| δείξον | δείξε (προστ.) | ||
| δελιάουν | περιπλέκονται, μπερδεύονται, σκοντάφτουν | θηλιάζω<θῆλυς | |
| δεξάμενον | ανάδοχος, νονός | ||
| εβγαίν’νε | βγαίνουν | ||
| εβγάλτς | βγάζεις | ||
| εκόλλτσεν | έκαψε, κατέστρεψε ολοσχερώς | ||
| ελέπω | βλέπω | ||
| εμόν | δικός/ή/ό μου | ἐμοῦ | |
| εποίκε | έκανε, έφτιαξε | ποιέω-ῶ | |
| εσ̌όπο | ταίρι, έτερο ήμισυ, σύντροφος | eş | |
| εφώτ’σεν | φώτισε, βάφτισε | ||
| καντουρεύ’νε | ξεγελούν, εξαπατούν, κοροϊδεύουν | kandırmak | |
| κοσμί’ | κόσμου | ||
| λετσ̌εκόπο | μαντίλι τετράγωνο που το δίπλωναν στη μέση και το φορούσαν οι γυναίκες στο κεφάλι | ||
| μίαν | μια φορά | ||
| όλια | όλα | ||
| ομμάτι͜α | μάτια | ||
| όντες | όταν | ||
| οσπίτ’ | σπίτι | hospitium<hospes | |
| παντέμορφον | πανέμορφο/η | ||
| ποδάρι͜α | πόδια | ||
| τερείς | κοιτάς | ||
| τερώ | κοιτώ | ||
| τοπλαεύ’ς | μαζεύεις, συγκεντρώνεις | toplamak |