Προβολή Τραγουδιού
Χάρε, άμα τσ̌ατεύω σε |
Ση γερά μ’, γεράν ένοιξεςΣτιχουργοί: Ανέστης Μωυσής
Συνθέτες: Ανέστης Μωυσής
Καλλιτέχνες: Ανέστης Μωυσής
Χάρε, άμα τσ̌ατεύω σε -ν και ρού͜εις σα χ̌έρι͜α μ’ μίαν άλλο εσύ ’κι θα δι͜αβαίντς ας σην Τζ̌αμέν¹ καμίαν άλλο εσύ ’κι θα δι͜αβαίντς ας σο χωρίο μ’ καμίαν Κανένας ’κ’ επορεί να λέει Θεόν πως ’κι πιστεύ’νε Όντες πονούν και ’κ’ επορούν, Ατόναν αραεύ’νε Χριστέ μ’, το στεφάν’ εξέγκα σο τρίτον την ημέραν Νούντσον εμέν έναν ζωή ντο σύρω απ’ ατέναν Ντο λέγ’νε, ψ̌η μ’, καν’νάν μη ακούς, ολόερα μ’ ’κ’ ελέπω! Αούτο τ’ εμόν το πόι μετά καν’νάν ’κι θέκω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αούτο | αυτό/ή | ||
| αραεύ’νε | ψάχνουν, αναζητούν, γυρεύουν | aramak | |
| ατέναν | αυτήν | ||
| ατόναν | αυτόν | ||
| δι͜αβαίντς | (για τόπο) περνάς, διασχίζεις, (για χρόνο) περνάς | διαβαίνω | |
| ελέπω | βλέπω | ||
| εμόν | δικός/ή/ό μου | ἐμοῦ | |
| εξέγκα | έβγαλα | ||
| επορεί | μπορεί | ||
| επορούν | μπορούν | ||
| θέκω | θέτω, τοποθετώ, βάζω | ||
| ’κ’ | δεν | οὐκί<οὐχί | |
| καμίαν | ποτέ | ||
| καν’νάν | κανέναν | ||
| ’κι | δεν | οὐκί<οὐχί | |
| λέγ’νε | λένε | ||
| μετά | (με αιτιατική) συνοδεία, μαζί με | ||
| μίαν | μια φορά | ||
| νούντσον | (προστ.) σκέψου | ||
| ολόερα | ολόγυρα | ||
| όντες | όταν | ||
| πόι | ύψος, μπόι | boy | |
| ρού͜εις | πέφτεις, ρίχνεις κτ κάτω | ||
| σύρω | σέρνω, τραβώ, ρίχνω | ||
| τσ̌ατεύω | συναντώ (τυχαία), τυχαίνω | çatmak | |
| ψ̌η | ψυχή |
¹Τζ̌αμέν ή Τζαμί Μαχαλέ, παλιά ονομασία του Πολυδενδρίου Λαγκαδά, χωριού καταγωγής του τραγουδιστή
