Ανάθεμα το χωρίο σ’

Προβολή Τραγουδιού

Ση Κρώμ’ ερρούξεν το χαλάζ’
και σα σεμερλεμέδες¹
Τα κορτσόπα τουν εθαρρούν
είναι σ̌εκερλεμέδες

Ανάθεμα το χωρίο σ’,
άναυα τα εικόνας
Εθάρρ’να εγώ τ’ εμόν είσαι -ν-,
εσύ είσαι τη χώρας

Ντό θ’ ευτάμε τ’ εγκόλπιους
και ντό θ’ ευτάμ’ τα ὼρας;
Αέτσ’ πα αγαπούνε μας
τα κορτσόπα τη χώρας

Η θειίτσα κάθε -ν- μαχαλάς
σα ξύλα σίτι͜α επέγ’νεν
Έκ’σεν εμέν πώς τραγωδώ
εσ̌άσ̌εψεν κι επέμ’νεν

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
άναυα	εκτός (από)	άνευ
εγκόλπιους	εγκόλπια, φυλαχτά
εθάρρ’να	θαρρούσα, πίστευα, νόμιζα
εθαρρούν	θαρρούν, νομίζουν, υποθέτουν
εικόνας	(ονομ. πληθ., τα) εικόνες
έκ’σεν	άκουσε
εμόν	δικός/ή/ό μου	ἐμοῦ
επέγ’νεν	πήγαινε, προχωρούσε, έφευγε
επέμ’νεν	απόμεινε
ερρούξεν	έπεσε
εσ̌άσ̌εψεν	σάστισε, τα έχασε	şaşmak
ευτάμ’	κάνουμε, φτιάχνουμε	εὐθειάζω
ευτάμε	κάνουμε, φτιάχνουμε	εὐθειάζω
κορτσόπα	κοριτσάκια
μαχαλάς	γειτονιάς	mahalle/maḥalle
πα	πάλι, επίσης, ακόμα
σ̌εκερλεμέδες	ζαχαρένια, γλυκά	şekerleme
σεμερλεμέδες	ακραίες λίθινες πλάκες σε προεξοχή (γεισώματα) πάνω από τα δώματα οι οποίες βοηθούν στην καλή απορροή των όμβριων υδάτων	semerleme<semer<σαμάρι<σαγμάριον
σίτι͜α	καθώς, ενώ	σόταν<εις όταν
τουν	τους
τραγωδώ	τραγουδάω
χαλάζ’	χαλάζι
χώρας	ξένος/η/ο/οι γενικά, οι/το/τα μη οικείο/α, ξενιτειάς
ὼρας	ρολογιού

Σημειώσεις

¹ Ακούγεται να τραγουδάει σ̌εμερλεμέδες (με παχύ σ)