Έφαες και το βίο μ’

Προβολή Τραγουδιού

Για τ’ εσέν, σ̌κυλοκούταβον,
το βίο μ’ θα πουλώ -ι [νέι]
Εμάτσες με -ν- το σεβνταλούκ’
να στέκω ’κ’ επορώ -ι [νέι]

Ση γούλα μ’ ετυλίουσ’νε,
εσύ, άμον αβδέλλα [γιαρ]
Το τσ̌ιζντάνι μ’ ευκαίρωσες,
εποίκες με ταντέλα [νέι]

Το τσ̌ιζντάνι μ’ ευκαίρωσες,
έφαες και το βίο μ’ [νέι]
Ατώρα, σ̌κυλοκούταβον,
εσύ λες με «οφύγον» [νέι]

Άλλον έμαθα αγαπάς
κι όλον αλλού κέσ’ πας -ι [νέι]
Ας σον Θεόν να ευρήκ’ς ατο
εσύ εμέν ντ’ ευτάς -ι [νέι]

Άμον ζεμι͜άρ’κον βίος έν’
κι ο νους ατ’ς σα ζεμίας [νέι]
Σα χ̌έρι͜α τ’ ατεινές μη ρού͜εις,
θα τυρι͜αννί͜εις τα ψ̌ήα σ’ [νέι]

Γλωσσάρι

Κείμενο	Επεξήγηση	Ετυμ. Ρίζα
αβδέλλα	βδέλλα
άμον	σαν, όπως, καθώς	ἅμα
ατεινές	αυτηνής
ατ’ς	αυτής, της
ατώρα	τώρα
βίο	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
βίος	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
γιαρ	αγαπητός/ή/ό, αγάπη	yâr
γούλα	λαιμός	gula
εμάτσες	έμαθες, δίδαξες	μαθίζω
έν’	είναι
εποίκες	έκανες, έφτιαξες	ποιέω-ῶ
επορώ	μπορώ
ετυλίουσ’νε	τυλιγόσουν
ευκαίρωσες	άδειασες
ευρήκ’ς	βρίσκεις
ευτάς	κάνεις, φτιάχνεις	εὐθειάζω
έφαες	έφαγες
ζεμι͜άρ’κον	ζημιάρικο/ζημιάρα
ζεμίας	ζημιές
’κ’	δεν	οὐκί<οὐχί
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
οφύγον	(προστ.) φύγε
ρού͜εις	πέφτεις, ρίχνεις κτ κάτω
σεβνταλούκ’	έρωτας	sevdalık
ταντέλα	δαντέλα	dentelle<dentem
τσ̌ιζντάνι	πορτοφόλι	cüzdan (αραβ. cuzʾ + περσ. -dān)
τυρι͜αννί͜εις	τυραννάς, ταλαιπωρείς
ψ̌ήα	ψυχές, η περιοχή του στέρνου, τα εσώψυχα