Έναν καιρόν είχα παράν

Προβολή Τραγουδιού

Τα τέρτι͜α ατά, τέρτι͜α είν’,
κάποια είν’ πελιάδες
Η καρδι͜ά μ’ ολιγόψυχον,
γιατί να φέρ’ γεράδες;

Τερώ, τερώ ση μαχαλά σ’,
τερώ σην γειτονία σ’
Τερώ, πουθέν ’κ’ ελέπω σε
και κλαίω από καρδίας

Έρθα -ν-, αρνί μ’, ση μαχαλά σ’,
επούλ’να χαλκοπούλια
Τ’ ατωριζ’νά τα κορτσόπα,
σεβντάς αρχοντοπούλια

Έναν καιρόν είχα παράν
και ήντι͜αν εθέλ’να εποίν’να
Ελάσκουμ’νε αδά κι εκεί
και τ’ έμορφα -ν- εφίλ’να

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ατά	αυτά
ατωριζ’νά	τωρινά
γεράδες	πληγές, τραύματα	yara
εθέλ’να	ήθελα
είν’	(για πληθ.) είναι
ελάσκουμ’νε	περιφερόμουν, τριγυρνούσα, περιπλανιόμουν	ἀλάομαι/ηλάσκω
ελέπω	βλέπω
έμορφα	όμορφα
εποίν’να	έκανα, έφτιαχνα	ποιέω-ῶ
επούλ’να	πουλούσα
έρθα	ήρθα
εφίλ’να	φιλούσα
ήντι͜αν	οτιδήποτε, ό,τι
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
κορτσόπα	κοριτσάκια
μαχαλά	γειτονιά	mahalle/maḥalle
ολιγόψυχον	μικρόψυχο, δειλό, μτφ. ανυπόμονο, στενάχωρο
παράν	λεφτά, το χρήμα	para/pāre
πελιάδες	βάσανα, σκοτούρες	bela
πουθέν	πουθενά
σεβντάς	αγάπης, έρωτα	sevda/sevdā
τέρτι͜α	καημοί, βάσανα, στενοχώριες	dert
τερώ	κοιτώ
φέρ’	φέρνω/ει
χαλκοπούλια	μικρά χάλκινα σκεύη μαγειρέματος