Επέρασα πίκρας πολλά

Επέρασα πίκρας πολλά,
η καρδι͜ά μ’ εματώθεν
Πολλά βάσανα έσυρα,
το ψ̌όπο μ’ επληγώθεν

Τα τραγούδι͜α ντο τραγωδώ
’κ’ είν’ μόνο για τ’ εμένα
Είν’ για όλα τα καρδόπα
ντο είναι πληγωμένα

Ατώρα όνταν τραγωδώ
τα βάσανα, τα πόνι͜α
Αμὰν θυμούμαι ντ’ έσυρα
εκείν’ τ’ άσ̌κεμα χρόνι͜α

Εθάρρ’να όλ’ άμον εμένα
απάν’ σον κόσμον είναι
Εθάρρ’να πως την ψ̌ην ατουν
σον πληγωμένον δίν’νε

Τα τραγούδι͜α ντο τραγωδώ
’κ’ είν’ μόνο για τ’ εμένα
Είν’ για όλα τα καρδόπα
ντο είναι πληγωμένα

Ατώρα όνταν τραγωδώ
τα βάσανα, τα πόνι͜α
Αμὰν θυμούμαι ντ’ έσυρα
εκείν’ τ’ άσ̌κεμα χρόνι͜α