Προβολή Τραγουδιού
Τ’ όνομα σ’ πάντα θα λέω |
Ακριτοπαίδ’Στιχουργοί: Αικατερίνη Παπαδοπούλου
Συνθέτες: Θόδωρος Παυλίδης
Καλλιτέχνες: Θόδωρος Παυλίδης, Στέλιος Χαλκίδης
Λιθάρ’-λιθάρ’ εποίκαμε εγώ κι εσύ φωλεάν Έφυες και εκάρφωσες σην κάρδα̤ μ’ μαχ̌αιρέαν Τ’ όνομα σ’ πάντα θα λέω, αραεύω σε και κλαίω Τρία φοράς έρθες οπίσ’ και είπα «συχωρώ σε» Τρία φοράς κι αν έφυες εγώ, ξαν αγαπώ σε! Τ’ όνομα σ’ πάντα θα λέω, αραεύω σε και κλαίω Ζω με τ’ εσόν το νούνιγμαν, αραεύω σε τα νύχτας Και ας εγόμωσες την ψ̌η μ’ με δάκρα̤ και με πίκρας Τ’ όνομα σ’ πάντα θα λέω, αραεύω σε και κλαίω Πουλόπο μ’, τ’ εσόν η εγάπ’ σο αίμα μ’ χαραμένον Και ας επέμ’να έρημον και παραπονεμένον Τ’ όνομα σ’ πάντα θα λέω, αραεύω σε και κλαίω Τ’ όνομα σ’ πάντα θα λέω, αραεύω σε και κλαίω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αραεύω | ψάχνω, αναζητώ, γυρεύω | aramak | |
| δάκρα̤ | δάκρυα | ||
| εγάπ’ | αγάπη | ||
| εγόμωσες | γέμισες | ||
| επέμ’να | απόμεινα | ||
| εποίκαμε | κάναμε, φτιάξαμε | ποιέω-ῶ | |
| έρθες | ήρθες | ||
| εσόν | δικός/ή/ό σου | ||
| έφυες | έφυγες | ||
| λιθάρ’ | λιθάρι, πέτρα | ||
| μαχ̌αιρέαν | μαχαιριά | ||
| νούνιγμαν | σκέψη | ||
| νύχτας | (ον.πληθ.,τα) νύχτες | ||
| ξαν | πάλι, ξανά | ||
| οπίσ’ | πίσω | ||
| πίκρας | πίκρες | ||
| πουλόπο | πουλάκι | ||
| φοράς | φορές | ||
| χαραμένον | χαραγμένο/η | ||
| ψ̌η | ψυχή |
