Προβολή Τραγουδιού
Ο γιοσμάς |
Ακριτοπαίδ’Στιχουργοί: Αικατερίνη Παπαδοπούλου
Συνθέτες: Θόδωρος Παυλίδης
Καλλιτέχνες: Θόδωρος Παυλίδης, Στέλιος Χαλκίδης
Έτονε ένας παιδάς, εφτωχός έτον κι αγάς Πάντα το καλόν εποίν’νεν, όσους ’κ’ είχανε εδίν’νεν Παναΐα μ’, ντό παιδάς, παλληκάρ’ και ντό γιοσμάς! Έτονε ένας παιδάς κι έλεεν αν θα αγαπάς «Η σεβντά σ’ θα έν’ και έναν, δεύτερον εγάπ’ έν’ ψέμαν» Παναΐα μ’, ντό παιδάς, παλληκάρ’ και ντό γιοσμάς! Έτονε ένας παιδάς και ο κάθε φουκαράς το καμίσ’ν ατ’ πα επαίρ’νεν όταν κι όποτε εθέλ’νεν Παναΐα μ’, ντό παιδάς, παλληκάρ’ και ντό γιοσμάς! Έτονε ένας παιδάς, τραγωδά̤νος τη χαράς Ψ̌ην, καρδίαν όλα̤ εδέκεν, για τ’ ατόν τιδέν ’κ’ εφέκεν Παναΐα μ’, ντό παιδάς, παλληκάρ’ και ντό γιοσμάς!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| γιοσμάς | κομψός, λεβέντης νέος | yosma | |
| εγάπ’ | αγάπη | ||
| εδέκεν | έδωσε | ||
| εδίν’νεν | έδινε | ||
| εθέλ’νεν | ήθελε | ||
| έλεεν | έλεγε | ||
| έν’ | είναι | ||
| επαίρ’νεν | έπαιρνε | ||
| εποίν’νεν | έκανε, έφτιαχνε | ποιέω-ῶ | |
| έτον | ήταν | ||
| έτονε | ήταν | ||
| εφέκεν | άφησε | ||
| εφτωχός | φτωχός | ||
| ’κ’ | δεν | οὐκί<οὐχί | |
| καμίσ’ν | πουκάμισο | καμίσιον<camisia=λινό ρούχο | |
| πα | πάλι, επίσης, ακόμα | ||
| παιδάς | παιδί, νέος άντρας | ||
| σεβντά | αγάπη, έρωτας | sevda/sevdā | |
| τιδέν | τίποτα | ||
| τραγωδά̤νος | τραγουδιστής | ||
| ψ̌ην | ψυχή |
