Προβολή Τραγουδιού
Εγώ, πόντια θα παίρω |
Ακριτοπαίδ’Στιχουργοί: Αικατερίνη Παπαδοπούλου
Συνθέτες: Θόδωρος Παυλίδης
Καλλιτέχνες: Θόδωρος Παυλίδης, Στέλιος Χαλκίδης
Με το μέλ’ και με το γάλαν κουβαλώ και φάζω σε Και σ’ ομμάτα̤ και σα χ̌είλι͜α φιλώ και χορτάζω σε Αν ’κ’ ελέπω σε το ψ̌όπο μ’ φτιλακίζ’, φτιλακίζ’ Η σεβντά σ’ σ̌κοινίν ση γούλα μ’ ντο φουρκίζ’, ντο φουρκίζ’ Μετ’ εσέν το καλυβόπο μ’ έν’ άμον τρανόν παλάτ’ Εγώ Πόντιαν θα παίρω, Πόντιαν κι έναν ομμάτ’ Λεφτουκάρυ͜α και καντζία κουβαλώ και φάζω σε Και την βούκαν ας σο στόμα μ’ φάζω και χορτάζω σε Αν ’κ’ ελέπω σε έναν ώραν ’κ’ επορώ, ’κ’ επορώ Και την στράταν ντο θα φέρ’ -τ- σε θα τερώ, θα τερώ Μετ’ εσέν το καλυβόπο μ’ έν’ άμον τρανόν παλάτ’ Εγώ Πόντιαν θα παίρω, Πόντιαν κι έναν ομμάτ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| βούκαν | μπουκιά | ||
| γούλα | λαιμός | gula | |
| ελέπω | βλέπω | ||
| έν’ | είναι | ||
| επορώ | μπορώ | ||
| ’κ’ | δεν | οὐκί<οὐχί | |
| καντζία | ψίχες από πυρηνόκαρπους ή άλλους σπόρους | ||
| λεφτουκάρυ͜α | λεπτοκάρυα, φουντουκιές, φουντούκια | λεπτο- + κάρυον | |
| μέλ’ | μέλι | ||
| μετ’ | μαζί με (με αιτιατική), με (τρόπος) | ||
| ομμάτ’ | μάτι | ||
| ομμάτα̤ | μάτια | ||
| παίρω | παίρνω | ||
| σεβντά | αγάπη, έρωτας | sevda/sevdā | |
| τερώ | κοιτώ | ||
| φάζω | ταΐζω | ||
| φέρ’ | φέρνω/ει | ||
| φουρκίζ’ | πνίγω/ει | ||
| φτιλακίζ’ | σπαρταρά, πάλλεται γρήγορα | ||
| χορτάζω | χορταίνω | ||
| ψ̌όπο | ψυχούλα |
