Την χέραν φίλ’ δέκα φοράς

Προβολή Τραγουδιού

Καλλιτέχνες: Ματθαίος Τσαχουρίδης, Στάθης Νικολαΐδης

Την χ̌έραν φίλ’ δέκα φοράς,
την αντρισμέντσα μίαν
Το κορίτσ’ όσον κι αν φιλείς
’κι θα χορτά͜εις καμίαν

Τα τσ̌ιτσ̌έκια ντο σκουντουλίζ’ν’,
μοθοπώρ’ όλα̤ χάν’νταν
Εσύ, κορτσόπον, σκουντουλί͜εις
όλο̤ν τον χρόνον πάντα

Απ’ έμπρου χ̌ειμωγκόντς έρ’ται,
κορτσόπον, χώρι͜α μη είμες
Αρ’ ας κοιμούμες εντάμα
εμείς για να χουλείμες

Τραγωδώ ’γώ την έμορφον,
την καρδι͜άν ατ’ς να χτίζω
Να εβγάλ’ τ’ ομμάτι͜α μ’ ο Θεόν
ατέν αν θα κλαινίζω

Γλωσσάρι

Κείμενο	Επεξήγηση	Ετυμ. Ρίζα
αντρισμέντσα	παντρεμένη
ατέν	αυτήν
ατ’ς	αυτής, της
εβγάλ’	βγάλει
είμες	είμαστε
έμορφον	όμορφο
έμπρου	εμπρός, μπροστά
εντάμα	μαζί
έρ’ται	έρχεται
καμίαν	ποτέ
’κι	δεν	οὐκί<οὐχί
κλαινίζω	στενοχωρώ, κάνω κπ να κλάψει
κοιμούμες	κοιμόμαστε
κορτσόπον	κοριτσάκι
μίαν	μια φορά
μοθοπώρ’	φθινόπωρο
ομμάτι͜α	μάτια
σκουντουλί͜εις	ευωδιάζεις, μοσχοβολάς
τραγωδώ	τραγουδάω
τσ̌ιτσ̌έκια	λουλούδια	çiçek
φίλ’	(προστ. φιλώ) φίλα, (πληθ. φίλον) φίλοι
φοράς	φορές
χ̌ειμωγκόντς	χειμώνας
χ̌έραν	χήρα
χάν’νταν	χάνονται, διώχνονται
χορτά͜εις	χορταίνεις
χουλείμες	ζεσταινόμαστε, θερμαινόμαστε
χώρι͜α	χωριστά