Πεκιάρτς εγώ θα λάσκουμαι

Προβολή Τραγουδιού

Πεκιάρτς εγώ θα λάσκουμαι
και ’κι θα γυναικίζω
Τα έμορφα τα κορτσόπα
εγώ θα χαρεντερίζω

Τα χρόνια μ’ είκοσ’ τέσσερα,
σιμών’νε τα τριάντα
Αούτα τα νεότητα
’κ’ ευρίουντανε πάντα

Κορτσόπον δεκαέξ’ χρονών,
πότε θα γίνεσαι είκοσ’;
Κορτσόπον δεκαοχτώ χρονών,
πότε θα γίνεσαι είκοσ’;
Θα παίρω σε και κρύφκουμαι
σ’ ορμάνια άμον λύκος

Τραγωδώ, πουλί μ’, τραγωδώ,
τραγωδώ και σ̌υρίζω
Τον κόσμον ετιζλάεψα,
τιδέν πα ’κι νουνίζω

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αούτα	αυτά
γυναικίζω	βρίσκω γυναίκα, νυμφεύομαι
δεκαέξ’	δεκαέξι
έμορφα	όμορφα
ετιζλάεψα	αψήφησα, αγνόησα, δεν υπολόγισα	πιθ. εκ του dikelmek
ευρίουντανε	βρίσκονται
’κ’	δεν	οὐκί<οὐχί
’κι	δεν	οὐκί<οὐχί
κορτσόπα	κοριτσάκια
κορτσόπον	κοριτσάκι
κρύφκουμαι	κρύβομαι
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
νεότητα	νιότη, νιάτα
νουνίζω	σκέφτομαι
ορμάνια	δάση	orman
πα	πάλι, επίσης, ακόμα
παίρω	παίρνω
πεκιάρτς	εργένης, (αιτ. πληθ.) εργένηδες	bekâr/bekār
σ̌υρίζω	σφυρίζω, παίζω αυλό	σῦριγξ
τιδέν	τίποτα
τραγωδώ	τραγουδάω
χαρεντερίζω	χαροποιώ, ψυχαγωγώ

Σημειώσεις

Η έννοια του ετιζλάεψα όπως μας καταμαρτυρήθηκε από τον ίδιο τον τραγουδιστή.