’Ίνουμαι εγώ γουρπάν’

Προβολή Τραγουδιού

Καλλιτέχνες: Δημήτρης Κουγιουμτζίδης, Χρύσανθος Θεοδωρίδης

’Ίνουμαι εγώ γουρπάν’
και σ’ εσόν-α τη σεβντάν
Αν παίρτς με θ’ έχω χαράν
κι ας μην έχω ξάι παράν

Τα φιλέματα τ’ εσά
άμον μέλι͜α είν’ γλυκά
Πη φιλεί σε σα κρυφά
νοστιμάδαν εγροικά

Γεια σου Μήτσο με τη λύρα σου!

Περ’μένω πότε ’α βραδύν’
και πάει χάται το κιντίν
Σ’ εγκαλιόπο σ’ το γλυκύν
ο Χάρον ας παίρ’ την ψ̌η μ’

Άιτε Ροδόλφε! Γεια σου με το νταούλι σ’!

Παλαλούμαι για τ’ εσέν
καίγουμαι άμον τσεβζέν
Αν ’κι παίρτς με, νεφιλέν,
ας έρ’ται η ψ̌η μ’ εβγαίν’

Γλωσσάρι

Κείμενο	Επεξήγηση	Ετυμ. Ρίζα
’α	θα
άιτε	άντε	haydi<hayde
άμον	σαν, όπως, καθώς	ἅμα
βραδύν’	βραδιάζει
γλυκύν	γλυκιά/ό
γουρπάν’	θυσία	kurban/ḳurbān
εβγαίν’	βγαίνει
εγκαλιόπο	αγκαλίτσα
εγροικά	καταλαβαίνει
είν’	(για πληθ.) είναι
έρ’ται	έρχεται
εσά	δικά σου/σας
εσόν	δικός/ή/ό σου
’ίνουμαι	γίνομαι
καίγουμαι	καίομαι
’κι	δεν	οὐκί<οὐχί
κιντίν	απόγευμα, δείλι	ikindi
νεφιλέν	μάταιο/α, ανώφελο/α	nafile/nāfile
ξάι	καθόλου
παίρ’	παίρνω/ει
παίρτς	παίρνεις
παλαλούμαι	τρελαίνομαι
παράν	λεφτά, το χρήμα	para/pāre
περ’μένω	περιμένω
πη	που
σεβντάν	αγάπη, έρωτα	sevda/sevdā
τσεβζέν	μπρίκι	cezve/ceẕve
φιλέματα	φιλιά
χάται	χάνεται
ψ̌η	ψυχή