Τιδέν ’κι σιναεύκεται

Προβολή Τραγουδιού

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Κωστάκης Πετρίδης, Χρύσανθος Θεοδωρίδης

Τιδέν ’κι σινι͜αεύκεται
σ’ εσόν την εμορφίαν [γιαρ]
Και τα παρχαροτσ̌ίτσ̌εκια
εξά̤εις σην ευωδίαν! [γιαρ]

Μ’ όλι͜α τη κοσμί’ τα καλά
εσέν, πουλί μ’, ’κι αλλάζω [γιαρ]
Την εμορφι͜άδαν ντ’ έ͜εις σην ψ̌η σ’
κι άλλο πολλά θαμάζω [γιαρ]

-Γεια σου Κωστάκη με τη λύρα σου!

Όλεν τον κόσμον εσύ τσ̌ί͜εις,
ίλι͜αμ τέρτι͜α που έχ’νε [γιαρ]
Για τ’ ατείντς κλαις και τα δάκρυ͜α σ’
τα μαγουλόπα σ’ βρέχ’νε [γιαρ]

Ατσ̌ά, πουλί μ’, έχ̌’ κανείς τέρτ’
για τ’ εσέναν ολίγον [γιαρ]
άναυα εμέν που σκοτούμαι
και για τ’ εσέν ψ̌ην δίγω; [γιαρ]

Γλωσσάρι

Κείμενο	Επεξήγηση	Ετυμ. Ρίζα
άναυα	εκτός (από)	άνευ
ατείντς	αυτούς
ατσ̌ά	άραγε	acep/ʿaceb
βρέχ’νε	βρέχουν
γιαρ	αγαπητός/ή/ό, αγάπη	yâr
δίγω	δίνω
έ͜εις	έχεις
εμορφι͜άδαν	ομορφιά
εμορφίαν	ομορφιά
εξά̤εις	αξίζεις, υπερτερείς σε αξία
εσόν	δικός/ή/ό σου
έχ̌’	έχει
έχ’νε	έχουνε
θαμάζω	θαυμάζω
ίλι͜αμ	προπαντώς, ιδιαίτερα, ειδικά	illa/illā
’κι	δεν	οὐκί<οὐχί
κι άλλο πολλά	περισσότερο, παραπάνω
κοσμί’	κόσμου
μαγουλόπα	μαγουλάκια
όλεν	όλη/ο, ολόκληρη/ο
ολίγον	λίγο
παρχαροτσ̌ίτσ̌εκια	λουλούδια του παρχαριού
πολλά	(επίθ.) πολλά, (επίρρ.) πολύ
σινι͜αεύκεται	ανταγωνίζεται, αναμετριέται	sınamak
σκοτούμαι	σκοτώνομαι
τέρτ’	καημός, βάσανο, (ονομ.) στενοχώρια	dert
τέρτι͜α	καημοί, βάσανα, στενοχώριες	dert
τιδέν	τίποτα
τσ̌ί͜εις	λυπάσαι, συμπονάς	σίζω
ψ̌η	ψυχή
ψ̌ην	ψυχή