Έλα-έλα

Προβολή Τραγουδιού

Καλλιτέχνες: Χρήστος Χρυσανθόπουλος, Χρύσανθος Θεοδωρίδης

Έναν πάω κι οπίσ’ τερώ,
τ’ αρνόπο μ’ αναμένω
[αναμένω / έλα -ν- έλα]
Τ’ αρνί μ’ εθαρρεί θα φέγω
όντες απιδι͜αβαίνω
[-’πιδι͜αβαίνω / έλα -ν- έλα]

Πάω κι ο νους ι-μ’ έν’ οπίσ’,
νουνίζω, ατσ̌ά ελέπ’ς με; 
[ατσ̌ά ελέπ’ς με / έλα -ν- έλα]
Αν θέλτς με ποίσον με ισ̌μάρ’,
όσον πόσον θα παιδεύ’ς με; 
[θα παιδεύ’ς με; / έλα -ν- έλα]

Θ’ απιδι͜αβαίνω το ρακάν’,
θα παίζω το γαβάλι μ’
[το γαβάλι μ’ / έλα -ν- έλα]
Για τη σεβντά σ’ ερρώστεσα,
άσ̌κεμον έν’ το χάλι μ’
[έν’ το χάλι μ’ / έλα -ν- έλα]

Εγροίκ’σα ντο θέλτς με κι εσύ
ντό, τεΐ τυρα̤ννί͜εις με;
[τυρα̤ννί͜εις με / έλα -ν- έλα]
’Τελέθεν η υπομονή μ’,
τέρ’, άλλο μη κλαινί͜εις με
[μη κλαινί͜εις με / έλα -ν- έλα]

Γεια σου Χρυσανθόπουλε με την λύρα σου!

Γλωσσάρι

Κείμενο	Επεξήγηση	Ετυμ. Ρίζα
απιδι͜αβαίνω	φεύγω, αφήνω πίσω, προσπερνώ, ξεπερνώ	από + διαβαίνω
αρνόπο	αρνάκι, χαϊδευτική προσφώνηση γυναίκας
άσ̌κεμον	άσχημο, κακότροπο
ατσ̌ά	άραγε	acep/ʿaceb
γαβάλι	φλογέρα	kaval/ḳawwāl
εγροίκ’σα	κατάλαβα
ελέπ’ς	βλέπεις
έν’	είναι
ερρώστεσα	αρρώστησα
θέλτς	θέλεις
ισ̌μάρ’	νεύμα, νόημα	işmar/նշմար
κλαινί͜εις	κάνεις κάποιον να κλάψει, στενοχωρείς
νουνίζω	σκέφτομαι
όντες	όταν
οπίσ’	πίσω
όσον πόσον	πόσο πια; μέχρι πότε;
παιδεύ’ς	παιδεύεις
’πιδι͜αβαίνω	(απιδι͜αβαίνω) φεύγω, αφήνω πίσω, προσπερνώ, ξεπερνώ	από + διαβαίνω
ποίσον	(προστ.) κάνε, φτιάξε	ποιέω, ποιῶ
ρακάν’	γήλοφος
σεβντά	αγάπη, έρωτας	sevda/sevdā
τεΐ	τάχα, δήθεν, υποτίθεται	deyü (οθωμ.περ.)
’τελέθεν	(ετελέθεν) τελείωσε, εξαντλήθηκε
τέρ’	(προστ.) κοίταξε
τερώ	κοιτώ
τυρα̤ννί͜εις	τυραννάς, ταλαιπωρείς
φέγω	φεύγω