Φεγγαρολούστ’, μικρόν αρνί μ’

Προβολή Τραγουδιού

Καλλιτέχνες: Χρήστος Χρυσανθόπουλος, Χρύσανθος Θεοδωρίδης

Φεγγαρολούστ’, μικρόν αρνί μ’,
έρ’ται γιοσμάς ο ήλι͜ον
Να φιλεί κερασόχ̌ειλα,
μάγ’λον κόκκινον μήλον

Να ’ίνουμαι γουρπάνι σ’
κι ευρίγουμαι σο γιάνι σ’
Εσύ τισ̌έκ’ και μαξιλάρ’,
εγώ γεργάν’ απάν’ ι-σ’

Με τ’ αγγελογανατόπα σ’
σπιχταγκαλι͜άστ’ εμένα
Κανείς, ούτε κι ο Χάροντας
να παίρ’ με απ’ εσένα

Να ’ίνουμαι γουρπάνι σ’
κι ευρίγουμαι σο γιάνι σ’
Εσύ τισ̌έκ’ και μαξιλάρ’,
εγώ γεργάν’ απάν’ ι-σ’

♫

Μυρωμένον τ’ εγκαλι͜όπο σ’,
ανάσμα σ’ σκουντουλίζει
Ρίζα μ’, εσέν που έχ̌’ σουμά τ’
πάντα καλοκαιρίζει

Εσύ είσαι η άνοιξη μ’
και παρχαροζουμπούλι μ’
Εσέν, πουλί μ’, αν χάνω σε,
θα χάνω και τ’ αχούλι μ’

Γλωσσάρι

Κείμενο	Επεξήγηση	Ετυμ. Ρίζα
αγγελογανατόπα	(υποκορ.) αγγελικά φτερά	άγγελος + kanat
ανάσμα	ανάσα, αναπνοή
απάν’	πάνω
αχούλι	μυαλό	akıl/ʿaḳl
γεργάν’	πάπλωμα	yorgan
γιάνι	πλάι, πλευρό	yan
γιοσμάς	κομψός, λεβέντης νέος	yosma
γουρπάνι	θυσία	kurban/ḳurbān
εγκαλι͜όπο	αγκαλίτσα
έρ’ται	έρχεται
ευρίγουμαι	βρίσκομαι
έχ̌’	έχει
’ίνουμαι	γίνομαι
κερασόχ̌ειλα	χείλια σαν κεράσι
μάγ’λον	μάγουλο	magulum
παίρ’	παίρνω/ει
παρχαροζουμπούλι	ζουμπούλι του παρχαριού
σκουντουλίζει	ευωδιάζει, μοσχοβολάει
σουμά	κοντά
σπιχταγκαλι͜άστ’	σφιχταγκάλιασε
τισ̌έκ’	στρώμα, κρεβάτι	döşek
φεγγαρολούστ’	λούσου στο φως του φεγγαριού