Ας σην Τόνιαν έρχουμαι

Προβολή Τραγουδιού

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Γιωργούλης Κουγιουμτζίδης, Σούλα Θεοδωρίδου, Χρύσανθος Θεοδωρίδης

Ας σην Τόνγ̆ιαν έρχουμαι,
Τόνγ̆ιαλης παιδάς είμαι
Το μαχ̌αίρ’ σα μὲσα μ’ έν’,
για τ’ εσέναν έρχουμαι

Αδακά, ακαικά,
σο καφούλ’ οπίσ’ καικά
Μετ’ εσέναν, κορτσόπον,
θα χορτάζω τη σεβντάν

Ας ση Τόνγ̆ιαν έρχουμαι,
μετ’ εμέν το γιοσμαλούκ’
Μετ’ εσέν την έμορφον,
’γώ θα ευτάγω σεβνταλούκ’

Αδακά, ακαικά,
σο καφούλ’ οπίσ’ καικά
Μετ’ εσέναν, κορτσόπον,
θα χορτάζω τη σεβντάν

Ας σην Τόνγ̆ιαν έρχουμαι,
τραγωδι͜άνος μερακλής
Μετ’ εσέν την έμορφον,
’γώ εξέβα σεβνταλής

Αδακά, ακαικά,
σο καφούλ’ οπίσ’ καικά
Μετ’ εσέναν, κορτσόπον,
θα χορτάζω τη σεβντάν

Γλωσσάρι

Κείμενο	Επεξήγηση	Ετυμ. Ρίζα
αδακά	εδώ κόντα
ακαικά	εκεί κοντά
γιοσμαλούκ’	κομψότητα, λεβεντοσύνη	yosmalık
έμορφον	όμορφο
έν’	είναι
εξέβα	βγήκα, ανέβηκα, μτφ. προέκυψα
έρχουμαι	έρχομαι
ευτάγω	κάνω, φτιάχνω	εὐθειάζω
καικά	προς τα κάτω, εκεί ακριβώς, κοντά
καφούλ’	θάμνος	κατάφυλλον<καταφύλλιον<κατ’φούλλιν
κορτσόπον	κοριτσάκι
μαχ̌αίρ’	μαχαίρι
μὲσα	(τα) η μέση
μετ’	μαζί με (με αιτιατική), με (τρόπος)
οπίσ’	πίσω
παιδάς	παιδί, νέος άντρας
σεβνταλής	ερωτοχτυπημένος, ερωτευμένος	sevdalı
σεβνταλούκ’	έρωτας	sevdalık
σεβντάν	αγάπη, έρωτα	sevda/sevdā
τραγωδι͜άνος	τραγουδιστής
χορτάζω	χορταίνω