Τσοπάνος με τα πρόατα

Προβολή Τραγουδιού

Συνθέτες: Παραδοσιακό, Χρύσανθος Θεοδωρίδης

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης

Τσ̌οπάνος με τα πρόατα
λάσ̌κεται τα γιαζία
Πίνει τα κρύα τα νερά
και σύρ’ τη μαναχ̌ίαν

Τσ̌οπάνε μ’, ντό γιοσμάς είσαι;
Νασάν που έ͜ει σε άντρα!
Άφ’ς ατα κι έλα μετ’ εμέν,
τα πρόατα σ’ ’κι χάν’νταν

Τσ̌οπάνε μ’, ποδεδίζω σε,
κατήβα ας σα ραχ̌ία
Κανείται εσέν ντ’ εντώκανε
χαλάζι͜α και βρεχ̌ία

Τσ̌οπάνε μ’ και τα πρόατα σ’,
τσ̌οπάνε μ’ και τ’ αρνόπα σ’
Ατά εγροικούν την χαρά σ’
εξέρ’νε ας σα τι͜αρτόπα / τερτόπα σ’

Γλωσσάρι

Κείμενο	Επεξήγηση	Ετυμ. Ρίζα
αρνόπα	αρνάκια
ατά	αυτά
ατα	αυτά
άφ’ς	(προστ.) άφησε
βρεχ̌ία	βροχές
γιαζία	πεδιάδες, εξοχή, ύπαιθρος	yazı
γιοσμάς	κομψός, λεβέντης νέος	yosma
έ͜ει	έχει
εγροικούν	καταλαβαίνουν
εντώκανε	χτύπησαν
εξέρ’νε	ξέρουν, ήξερε
κανείται	φτάνει, είναι αρκετό
κατήβα	(προστ.) κατέβα
’κι	δεν	οὐκί<οὐχί
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
μαναχ̌ίαν	μοναξιά
μετ’	μαζί με (με αιτιατική), με (τρόπος)
νασάν	χαρά σε
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πρόατα	πρόβατα
ραχ̌ία	ράχες, βουνά
σύρ’	σύρω/ει, τραβάω/ει, ρίχνω/ει
τερτόπα	(υποκορ.) καημοί, βάσανα, στενοχώριες	dert
τι͜αρτόπα	καημοί, βάσανα, στενοχώριες	dert
χάν’νταν	χάνονται, διώχνονται