Προβολή Τραγουδιού
«Αχ!» ευτάω για τ’ εσένα
Επιμένω στην παράδοσηΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης
Τα μαλλόπα σ’ πεντάπλεχτα, απέσ’ σην καρδι͜ά μ’ κείνταν Αρνί μ’, να καταρούμε͜ ατα, ζευγάρι͜α οφίδι͜α γίν’νταν «Αχ!» ευτάω για τ’ εσένα, το «βάχ!» έν’ για τ’ εμένα Και για τ’ εσέν, πουλόπο μ’, πονεί -άι- το καρδόπο μ’ Και για τ’ εσέν, πουλόπο μ’, πονεί το τσ̌ικαρόπο μ’ Πουλόπο μ’, είσαι έμορφον, ο πρόσωπος σ’ φεγγάρι ’Φιέρωσον το πόι σου σ’ εμέν το παλληκάρι «Αχ!» ευτάω για τ’ εσένα, το «βάχ!» έν’ για τ’ εμένα Και για τ’ εσέν, πουλόπο μ’, πονεί -άι- το καρδόπο μ’ Και για τ’ εσέν, πουλόπο μ’, πονεί το τσ̌ικαρόπο μ’ Εσύ τη Θεού το λουλούδ’ ντ’ έπαθες κι εμαρέθες; Θεού χαρά σίτ’ έστεκες άλλο ’κ’ εκαλατσ̌εύτες «Αχ!» ευτάω για τ’ εσένα, το «βάχ!» έν’ για τ’ εμένα Και για τ’ εσέν, πουλόπο μ’, πονεί -άι- το καρδόπο μ’ Και για τ’ εσέν, πουλόπο μ’, πονεί το τσ̌ικαρόπο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| ατα | αυτά | ||
| γίν’νταν | γίνονται | ||
| εκαλατσ̌εύτες | μιλήθηκες | keleci=καλός λόγος (Παλαιά Τουρκική Ανατολίας) | |
| εμαρέθες | μαράθηκες | ||
| έμορφον | όμορφο | ||
| έν’ | είναι | ||
| ευτάω | κάνω, φτιάχνετε | εὐθειάζω | |
| ’κ’ | δεν | ουκί<οὐχί | |
| καρδόπο | καρδούλα | ||
| κείνταν | κείτονται, ξαπλώνουν | ||
| μαλλόπα | μαλλάκια | ||
| οφίδι͜α | φίδια | ||
| πόι | ύψος, μπόι | boy | |
| πουλόπο | πουλάκι | ||
| πρόσωπος | πρόσωπο | ||
| σίτ’ | καθώς, ενώ | σόταν<εις όταν | |
| τσ̌ικαρόπο | (υποκορ.) σπλάχνο | ciğer/ciger | |
| ’φιέρωσον | (αφιέρωσον) αφιέρωσε (προστ.) |