Εγώ για τ’ εσέν και μόνον

Προβολή Τραγουδιού

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης

Αδά σον κόσμον αγαπώ
είναν Θεόν κι εσένα
Αν θέλτς δέβα σον ανοιχτήν
κι ερώτα για τ’ εμένα

Εγώ για τ’ εσέν και μόνον
σύρω τη σεβντάς τον πόνον
Το κιφάλι μ’ σο μαξιλάρ’,
ο νους ι-μ’ έν’ σο δρόμον

Εσέν, ρίζα μ’, ντο αγαπώ
αν ίσως λέγω ψέμαν·
το χώμαν ντο καταπατώ
να σύρ’ και πίν’ το αίμα μ’

Εγώ για τ’ εσέν και μόνον
σύρω τη σεβντάς τον πόνον
Το κιφάλι μ’ σο μαξιλάρ’,
ο νους ι-μ’ έν’ σο δρόμον

Κόρ’, κρέμασον ένα σταυρόν,
(κι) είναν Θεόν προσ̌κύνα
Σεράντα ψ̌ήα συ μη καί͜εις,
τέρεν κι αγάπα είναν

Εγώ για τ’ εσέν και μόνον
σύρω τη σεβντάς τον πόνον
Το κιφάλι μ’ σο μαξιλάρ’,
ο νους ι-μ’ έν’ σο δρόμον

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ανοιχτήν	μάντη, χαρτομάντη
δέβα	(προστ.) πήγαινε
είναν	έναν, μία
έν’	είναι
ερώτα	(προστ.) ρώτησε
θέλτς	θέλεις
κιφάλι	κεφάλι
κρέμασον	κρέμασε (προστ.)
πίν’	πίνει
σεβντάς	αγάπης, έρωτα	sevda/sevdā
σεράντα	σαράντα
σύρ’	σύρω/ει, τραβάω/ει, ρίχνω/ει
σύρω	σέρνω, τραβώ, ρίχνω
τέρεν	(προστ.) κοίταξε
ψ̌ήα	ψυχές, η περιοχή του στέρνου, τα εσώψυχα