Προβολή Τραγουδιού
Σώγαμπρος με την πεθεράν
Τραγωδώ για την πατρίδα μ’ τον ΠόντοΣτιχουργοί: Γιώργος Αμαραντίδης
Συνθέτες: Γιώργος Αμαραντίδης
Καλλιτέχνες: Γιώργος Αμαραντίδης
Σώγαμπρος με την πεθεράν, πάντα τυρα̤ννιγμένος Φαΐν σ’ οσπίτ’ ’κι ευρήκ’ α̤τός κι απομέν’ πεινασμένος Ας σον γαμπρόν η πεθερά καμίαν πα ’κ’ εχάρεν Πάντα κουίζ’ και λέει͜ ατον «πλιθένι͜ον παραστάρ’» έν’ Η πεθερά με το γαμπρόν ’κ’ επορούν να ιεύ’νε Άμον σ̌κύλος με την κάταν τσ̌αΐζ’νε, ταλασ̌εύ’νε Πάντα τσ̌αΐζ’ η πεθερά, τ’ απάν’ το μέρος παίρ’ Το τσ̌άιγμαν χαΐρ’ ’κ’ ευτάει σ’ οσπίτ’ ψωμίν ’κι φέρ’ Όπως να γυροκλώ͜εις ατο, η πεθερά σ’ ’κι ακούει σε Γίνεται ένα με την καρή σ’ και φουρλαεύ’ να κρούει σε Σεράντα χρόνια κυνηγός εντώκα έναν ψύλλον Το κιφάλ’ και τα ποδάρι͜α τ’ την πεθερά μ’ θα στείλω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ||
| απάν’ | πάνω | ||
| απομέν’ | απομένει | ||
| γυροκλώ͜εις | κλωθογυρίζεις | ||
| έν’ | είναι | ||
| εντώκα | χτύπησα | ||
| επορούν | μπορούν | ||
| ευρήκ’ | βρίσκω/ει | ||
| ευτάει | κάνει, φτιάχνει | εὐθειάζω | |
| εχάρεν | χάρηκε | ||
| ιεύ’νε | ταιριάζουν | uymak | |
| ’κ’ | δεν | ουκί<οὐχί | |
| καμίαν | ποτέ | ||
| καρή | γυναίκα, σύζυγος | karı | |
| κάταν | γάτα | ||
| ’κι | δεν | ουκί<οὐχί | |
| κιφάλ’ | κεφάλι | ||
| κουίζ’ | φωνάζω/ει, λαλώ/εί, καλώ/εί κπ ονομαστικά | ||
| κρούει | χτυπάει | ||
| οσπίτ’ | σπίτι | hospitium<hospes | |
| πα | πάλι, επίσης | ||
| παραστάρ’ | το κάθετο καδρόνι του κασώματος πόρτας | ||
| πλιθένι͜ον | πλίνθινο | ||
| ποδάρι͜α | πόδια | ||
| σεράντα | σαράντα | ||
| ταλασ̌εύ’νε | (επί ζώων) τσακώνονται, συμπλέκονται, αλληλοδαγκώνονται | dalaşmak | |
| τσ̌άιγμαν | φώναγμα, μάλωμα, επίπληξη | ||
| τσ̌αΐζ’ | φωνάζω/ει | ||
| τσ̌αΐζ’νε | φωνάζουν | ||
| φέρ’ | φέρνω/ει | ||
| φουρλαεύ’ | ορμάει, χιμάει, εκτινάσσεται, εκτοξεύεται | fırlamak | |
| χαΐρ’ | καλοσύνη, εύνοια, χρησιμότητα | hayır/ḫayr |